Isaia 49:17 - Baibuli Ekibono kya Katonda 2014

¹⁷ Abo abalikuzimba okukwizaagho obuyaaka, baabo bali kwidha mbiro, ate abo abaakuzikiriza, balituusa ekiseera baakuvaamu baaja.

Isaia 49:17 ပူးပေါင်းရင်းမြစ်များ

Ezera 1:5

Agho abakulu b'enda dha baiseibwe mu bika, ekya Yuda n'ekya Benjamini, ni bakabona, n'Abalevi abandi, na buli muntu yeenayeena Katonda ye yaleetera okwenda okuja, baasituka okuja okuzimba obuyaaka eisinzizo lya Musengwa Katonda mu Yerusalemu.

Nehemia 2:17

Agho naabakoba nti: “Mubona obuzibu bwe tulimu? Buti Yerusalemu baakizikiriza kyafuuka bifulukwa byereere, n'emiryango gyakyo baagyokya omuliro. Kale ni mwidhe tuzimbe ekimante ku Yerusalemu tulekere agho kuswala.”

Zabbuli 137:3

Kuba, nga tuli eyo, abaatunhaga okututoola ewaife, baatukobanga tubembere; abantu abo abaatulumyanga, baatukoba bati: “Mutwembereku ku nhembo dhe mwayembanga mu Sioni.”

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 37:18

Wo Musengwa Katonda, mu butuufu bakyabazinga ba Assiria bazikiriiza amaghanga kamaala, baaleka ensi edh'amaghanga ago nga dhifafaagaine.

Isaia 49:19

Waire ng'ensi yo yali ezikiriziibwa yaalekebwagho etyo ng'ezise, aye olwo eriba ntono nga tesugamu abo abaliidha okugibaamu. Era abo abaagireka nga bamaze okugizikiriza, eriba ebali ghala inho.

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 60:4

Weezunguluze amaiso obone, abantu boonaboona nga bwe bali kwesololeza aghalala nga baidha y'oli. Batabane bo baliva eghala eyo baidha; ni baghala bo balibabbeeda baabaleeta y'oli.

Isaia 62:5

Ng'omwisuka bw'abayiza omughala omwegha, n'abantu bo batyo bwe baliba ng'oti bakubayiiza. Era ng'omusaadha bw'asagamba olw'omugole y'abayiiza, ni Katonda atyo bw'alisagamba olwa iwe.

Ezekieli 28:24

Musengwa Katonda era yaakoba ati: “Ku maghanga goonagoona ageezungulwire ensi Isiraeli agaaginhoomanga, tighalibaagho waire eirala liti eririgifuukira olukandwa okugikwadula oba okugifuukira eiwa okugifumita. Olwo balimanha nga ninze Musengwa Katonda.”

Ezekieli 36:10

Ndireetera abantu okwala mu ighanga Isiraeli, baidhula mu nsozi imwe. Ebibuga biriidhula abantu, n'ebifo byonabyona ebyayonoonebwa byairamu okuzimbibwa obuyaaka.