Isaia 49:11 - Baibuli Ekibono kya Katonda 2014

¹¹ ‘Ensozi dhange dhoonadhoona ndidhitaamu engira, dhaafuuka enguudo abantu bange mwe balitambuliranga.

Isaia 49:11 ပူးပေါင်းရင်းမြစ်များ

Zabbuli 107:4

Abandi baatambulatambula eyo batyo mu irungu omuzira kantu, engira yaababula ebatuusa ghe basobola okuba.

Zabbuli 107:7

Yaabagemya engira entuufu eyabatuusa mu kibuga ghe baali basobola okuba.

Isaia 11:16

Ghalibaagho oluguudo abantu be Abaisiraeli abaliwonagho mwe balibita nga bava mu Assiria, ng'oti ni bwe ghaaligho oluguudo Abaisiraeli mwe baabita nga bava mu Misiri.

Isaia 19:23

Olunaku olwo bwe lulituuka, ghalibaagho oluguudo oluva mu Misiri okuja mu Assiria. Abassiria baliidhanga mu Misiri, n'Abamisiri baajanga mu Assiria, era Abamisiri n'Abassiria balisinzizanga ghalala Musengwa Katonda.

Isaia 43:19

Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Isaia 52:12

Eyo timulivaayo nga mugwidhubana waire okuvaayo nga mulumuka; kuba Musengwa Katonda mwene n'alibakulemberamu, era Katonda oyo owa Isiraeli alibavaaku einhuma ng'abakuuma.

Isaia 57:14

Musengwa Katonda era akoba ati: “Muteegho oluguudo, muteegho oluguudo mangu, mutegeke abantu bange ghe banaabita. Mutoole ebitimuguunha byonabyona mu ngira y'abantu bange.

Isaia 62:10

Imwe abantu bange ab'omu Yerusalemu mufulume, mufulume emiryango gy'ekibuga. Muje mutegeke abantu ghe banaabita mutemegho oluguudo. Mutemegho oluguudo mangu, mulumalemu ebibaalebaale. Mughanikire abantu ebendera ng'akamanhiso,

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.