Isaia 49:10 - Baibuli Ekibono kya Katonda 2014

¹⁰ Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Isaia 49:10 ပူးပေါင်းရင်းမြစ်များ

Isaia 14:1

Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 33:16

oyo n'aliba aghalungi, mu kifo eky'okwewogomamu ekigumu einho ng'oti n'olubaale. Aliba n'emere ey'okulya era yaaba n'amaadhi ag'okunhwa aghazira kubulirirwa naire.

Isaia 35:6

Olwo omulema alituuma ng'oti mpongo, ni kasiru yaayemba olw'eisanhu; kuba amaadhi galitimbuka mu nhindo edh'ensulo mu irungu, gaakuuluulira mu nsi eyo enkalukalu.

Isaia 35:7

Omusenho ogwokya gulifuukamu nhandha, n'eitaka eikalu ery'olubbalangu lyafuuka nsulo dha maadhi. Ekifo ebibe mwe byabanga, mulimeramu isubi na bitoogo.

Isaia 4:6

Ekitiisa ekyo, omusana kirikingiriza ekibuga kyonakyona okukiwonia olwota, kyakifuula ekifo eky'okwewogomamu okuwona amaadhi ni kiwunga.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 41:17

Abantu bange abaavu n'abali mu bwetaavu, bwe balinoonia amaadhi ni gababula, amamiro ni gatuuka n'okubakala olw'endiwo, nze Musengwa Katonda ndiiramu okusaba kwaibwe nze Katonda wa Isiraeli tiribalekulira agho.

Isaia 43:19

Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Isaia 48:17

Iwe Isiraeli, Musengwa Katonda Omununuzi wo era Omutukuvu, akoba ati: Ninze Musengwa Katonda wo akwegeresa ebikuganhula, era akukulemberamu mu ngira y'ogwaine okubitamu.

Isaia 48:21

Musengwa Katonda oyo bwe yali ng'ali kubisa abantu be mu irungu, endiwo tiyabagema naire; kuba yayatisa olubaale, amaadhi gaatiiriika nga gava mu lutanda olwo, atyo yaabagha amaadhi okuva mu lubaale olwo.

Isaia 51:14

Abo abali mu bunhage baidha kulekulwa mangu; tibaidha kufa kuja mu magombe, waire okubulwa emere ye balya.

Isaia 52:12

Eyo timulivaayo nga mugwidhubana waire okuvaayo nga mulumuka; kuba Musengwa Katonda mwene n'alibakulemberamu, era Katonda oyo owa Isiraeli alibavaaku einhuma ng'abakuuma.

Isaia 54:10

Ensozi dhisobola okuvaagho, n'obusozi bwawaagho. Aye nze okugonza kwe nkugonzaamu tikuja kuvaagho, n'endagaano ey'emiraala ye nakola n'iwe teja kukoma.” Atyo bw'akoba Musengwa Katonda oyo akugemerwa ekivunika.

Isaia 54:8

Nga ndidhwire obusungu obubitirivu, naloba n'okukulingaku okumala akaseera. Aye okuva ni mpegaano ndidha kukugemerwanga ekivunika, olw'okugonza kwange okutawaagho ebyanda n'ebyanda.” Musengwa Katonda Omununuzi wo, atyo bw'akobye.

Isaia 58:11

Nze Musengwa Katonda mwene ndibakulemberangamu buli kaakyeire, naabagha ebirungi ebibamala obukalamu era naabaleetera okuba abagumu era ab'amaani. Mulibanga ng'oti n'enimiro ye bafukirira amaadhi, era ng'oti n'ensulo y'amaadhi etakala.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Yona 4:8

Endhuba bwe yavaayo akasana kaidha, Katonda yaatuma empewo ensu ng'eva ku luuyi olw'e buvandhuba, akasana kaayokya Yona mu mutwe kata azirike yeegomba okufa. Yaakoba ati: “Okufa kusinga okuba omulamu!”

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Matayo 5:6

Ba nkabi abalumwa endhala n'endiwo ey'okukola ebituufu, kuba baliigusibwa.

Yoanne 6:35

Yaabakoba ati: “Ninze omugaati ogugha obulamu, aidha ye ndi endhala terimuluma, era oyo andhikiriza taliwulira ndiwo.