Isaia 48:4 - Baibuli Ekibono kya Katonda 2014

⁴ Namanha nga bwe muli ab'empwitu, abali n'emyoyo emibbalangafu ng'oti n'ekyuma ekigumu einho, era abali n'ebirowoozo ebikalangafu ng'oti n'ekyuma ky'ekikomo.

Isaia 48:4 ပူးပေါင်းရင်းမြစ်များ

2 Bakyabazinga 17:14

Aye baaloba kuwulira, baaba ba mpwitu nga badhaadha baibwe bwe baakola, abaaloba okwesiga Musengwa Katonda waibwe.

2 Ebyomubyanda 30:8

Era mulobe kuba na mpwitu ng'oti ni badhaadha baimwe, aye mwegheeyo eri Musengwa Katonda, mwingire mu isinzizo lye, lye yatukuza ebyanda n'ebyanda. Mugheerezenga Musengwa Katonda waimwe, olwo alekere agho okuboolekeza obusungu bwe obubitiriire.

2 Ebyomubyanda 36:13

Zedekia era yaadheemera ni kyabazinga Nebukadinezzari, eyali amaze okumulayiza mu Katonda, ng'ali n'okuwuliranga ebiragiro bya Nebukadinezzari oyo. Aye Zedekia oyo yaakola bwa mpwitu era yaakalangusa omwoyo gwe, yaaloba kwenenia kwira eri Musengwa Katonda, Katonda wa Isiraeli.

Nehemia 9:28

Bwe baafunangamu emiraala, nga kabiri bairamu okwonoona. Era waabalekuliranga agho, abazigu baibwe baabafuganga. Ate bwe baakyukanga ni bakulirira, waabawuliranga ng'oli mu igulu. Emikuzi kamaala waabanunulanga olw'okusaasira kwo okutaloodheka.

Zabbuli 75:5

Mulobe kwekulumbaza, waire okwogera nga mumadalaiza emitwe.”

Zabbuli 78:8

Balobe kuba ng'oti ni badhaadha baibwe, ab'oluse olw'empwitu era oludheemu oluse olw'abantu ab'emyoyo egitaagumira ku Katonda era abaalekera agho okumwikiriza.

Okuvaayo 32:9

Nze Musengwa Katonda ndidhi nti abantu bano ba mpwitu inho.

Okuvaayo 33:3

Muje mu nsi engimu era erimu ebirungi kamaala. Aye nze tiidha kujiira ghalala n'imwe, kuba nsobola okubaita naabamaliragho mu ngira, olw'okuba muli ba mpwitu inho.”

Okuvaayo 33:5

kuba Musengwa Katonda yali amaze okukoba Musa akobe abantu ati: “Muli ba mpwitu inho, era bwe njiira aghalala n'imwe, ni bwekaba akaseera akatono kati, mbaita naabamalagho. Buti ni mutoolemu ebyamadholobera byaimwe, nze mwene ndidha kumanha eky'okubakolera.”

Okuvaayo 9:7

Kyabazinga yaatuma okubuuliriza, era baamukobera nga ku nsolo edh'Abaisiraeli bwe kutaafaaku naire ndala. Aye era omwoyo gwa kyabazinga gwasigala nga mukalangufu yaaloba kutya, era yaaloba kuleka Baisiraeli kuja.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Ezekieli 2:4

Bali n'empwitu era tibantaamu kanhagansi naire. Kale ndi kukutuma ye bali, obakobere nze Musengwa Katonda bye ndi kubakoba.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Amateeka Agokubiri 10:16

Kale ni mubenga bawulize y'ali, mulekere agho okubanga n'empwitu,

Amateeka Agokubiri 31:27

Ndidhi bukalamu nga bwe bali abadheemu era ab'empwitu. Kuba oba nga badheemera Musengwa Katonda mpegaano nga nkaali mulamu, memale olwo tibalisinzaagho kumudheemera nga mmaze okufa?

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.