Isaia 48:20 - Baibuli Ekibono kya Katonda 2014

²⁰ Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Isaia 48:20 ပူးပေါင်းရင်းမြစ်များ

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

Ezera 2:1

Gano n'amaina ag'abantu ab'omu kiketezo eky'e Buyudaaya abaira okuva mu nsi Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Zabbuli 126:1

Musengwa Katonda lwe yatwiza mu Sioni, twali ng'oti tuloota buloote.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 24:14

Abo abaliba bawoniegho balyemba n'eisanhu lingi; abaliba ku luuyi olw'e bugwandhuba balisaaka ekitiisa kya Musengwa Katonda.

Isaia 26:1

Ku lunaku olwo abantu balyemba olwembo luno mu Buyudaaya, bati: Ekibuga kyaife kigumu begulugulu. Katonda mwene n'eyakizimbaku ebimante ebigumu, era mwene n'akikuuma.

Isaia 42:10

Mwembere Musengwa Katonda olwembo oluyaaka. Ensi yoonayoona leka emusaake! Enhandha leka ewolome n'ebirimu byonabyona olw'eisanhu N'ebiketezo eby'oku nhandha leka byembe n'ababibaaku boonaboona.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Isaia 48:6

Ebyo byonabyona mwabiwulira, era muli n'okwatula muti byali bituufu, kuba mwabibona byatuukirira. Okuva ni mpegaano nja kubakobera ebiyaaka, bye ntabamanhisangaku naire.

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 51:14

Abo abali mu bunhage baidha kulekulwa mangu; tibaidha kufa kuja mu magombe, waire okubulwa emere ye balya.

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Isaia 52:9

Imwe ebifo bya Yerusalemu ebyayonoonebwa, mutimbuke mwembe enhembo; kuba Musengwa Katonda agumiiza abantu be, yaanunula Yerusalemu.

Isaia 62:11

bamanhe nga Musengwa Katonda ali kulangirira mu nsi yoonayoona ati: “Mukobe ab'omu Sioni muti, bona, omulokozi wuuyo aidha, ng'ali n'ebirabo eby'okugabira abantu be, n'empeera ey'okubasasula.”

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Yeremia 31:11

Nnunwire Abaisiraeli, naabawonia eighanga ery'amaani.

Yeremia 31:21

Muteegho obumanhiso ghe mubita, mumanhe engira ye mwagema nga muja. Mwire imwe Abaisiraeli, mwire ewaimwe mu bibuga bye mwavaamu.

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 50:8

“Imwe Abaisiraeli, mulumuke e Babilonia! Muve mu nsi eyo ey'Abakaladea! Niimwe mube musooke okugireka.

Yeremia 51:45

Imwe Abaisiraeli mulumuke muveegho. Muwonie obulamu bwaimwe, bulobe kutuukibwaku kabi ke nnaaleeta mu busungu bwange obubitirivu.

Yeremia 51:48

Ebintu byonabyona ebiri ku nsi n'ebiri ku igulu, biryemba olw'eisanhu nga Babilonia egwire mu ngalo dh'abo abazikiriza, abaliva ku luuyi olw'omukono omugooda olw'e buvandhuba okwidha okugizikiriza.

Yeremia 51:6

“Imwe Abaisiraeli n'Abayudaaya, mulumuke muve mu nsi Babilonia muwonie obulamu bwaimwe! Mulobe kufiira bwereere olw'ebibi bya Babilonia, kuba kino n'ekiseera nze Musengwa Katonda neesasulize ku nsi eyo nga ngibonereza nga bw'egwaniire.

Zekaria 10:8

Ndifuuwa akaleetu okweta abantu bange abo, naabasololeza ghalala; kuba ninze nabanunula. Era ndibaleetera okwiramu okwala, baaba kamaala nga bwe baalinga eira.

Zekaria 2:10

Musengwa Katonda akoba ati: “Mwembe era musagambe, imwe abantu b'omu Yerusalemu, kuba ndi kwidha mbenga ghalala n'imwe.”

Amateeka Agokubiri 30:4

Ni bwe muliba nga musansaaniire mu nsonda dh'ensi edh'eghala, Musengwa Katonda waimwe alibasolozaayo,

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 18:4

Era naawulira amamiro agandi agava mu igulu nga gakoba gati: “Bantu bange, mumuveemu, mulobe kweyimba mu bibi bye, na kugabana ku bibamba bye;