Isaia 48:2 - Baibuli Ekibono kya Katonda 2014

² Era mweyeta ba mu kibuga ekitukuvu, abeesiga Katonda wa Isiraeli, eriina lye nga ni Musengwa Katonda Afuga Amagye.

Isaia 48:2 ပူးပေါင်းရင်းမြစ်များ

Nehemia 11:1

Agho abakulembeze b'abantu baasenga mu Yerusalemu baabanga omwo, aye abantu abaasigalagho abandi baakuba obululu okulonda omuntu omulala omulala ku buli bantu eikumi, okubanga mu Yerusalemu ekibuga ekitukuvu. Ate bale omwenda abasigalagho ku buli bantu eikumi, nga ba kubanga mu bibuga ebindi.

Nehemia 11:18

Abalevi boonaboona aghalala abaabanga mu Yerusalemu ekibuga ekitukuvu, baali ebikumi bibiri na kinaana na bana (284).

Zabbuli 48:1

Musengwa Katonda mukologho, era ni yenka agwaine okusinzibwa mu kibuga kya Katonda waife, ku lusozi lwe olutukuvu.

Zabbuli 87:3

Iwe ekibuga kya Katonda, ebintu eby'ekitiibwa kamaala bikwogerwaku.

Isaia 10:20

Mu kiseera ekyo, Abaisiraeli baidhukulu ba Yakobo abalisigalagho nga n'abawoniegho, baliba nga tibakeesiga ighanga eryo eryabaghangula, aye nga mu mazima beesiga Musengwa Katonda, Omutukuvu wa Isiraeli.

Isaia 47:4

Eriina ly'Omununuzi waife, ni Musengwa Katonda Afuga Amagye, era oyo n'Omutukuvu wa Isiraeli.

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 51:15

“Ninze Musengwa Katonda wo asiikuula enhandha, n'agireetera okuwolomboka nga yeekuluumulula. Katonda Afuga Amagye.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Yeremia 21:2

“Nkweghembye twogerereyo eri Musengwa Katonda, kuba kyabazinga Nebukadinezzari ow'e Babilonia atulumbye n'eigye lye okutulwanisa. Oba katyo Musengwa Katonda anaatukolera ekyewuunhisa, yaamwiririzaayo.”

Yeremia 44:26

Aye mperaano, muwulire nze Musengwa Katonda kye neeyamye eri imwe mwenamwena Abaisiraeli abali mu Misiri. Neeyamye mu liina lyange ery'amaani nti tija kuganha muntu waire omulala ati ku imwe, okwirayo okukozesa eriina lyange mu kulayira, ng'akoba ati, ‘Nga Musengwa Katonda bw'ali omulamu.’

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Matayo 27:53

baava mu magombe. Era ng'amaze okuzuukira baaja mu kibuga ekitukuvu era abantu kamaala baababona.

Matayo 4:5

Agho Sitaani yaatwala Yesu mu kibuga ekitukuvu, yaamuniinia ku kasulya ak'eisinzizo,

Ab'e Roma 2:17

Aye iwe weeyeta Omuyudaaya, weesiga Amateeka, era weesuutira mu Katonda.

Okwolekebwa 11:2

Aye oluya lw'eisinzizo luleke, otalupima, kuba lwagheebwa abamaghanga agandi abaidha okumala emyezi amakumi ana n'ebiri (42) nga baniinirira ekibuga ekitukuvu.

Okwolekebwa 21:2

Naabona ekibuga ekitukuvu, Yerusalemu ekiyaaka, nga kiika kiva mu igulu ewa Katonda, nga kiri ng'oti n'omugole ye bavaaziiza, eyetegeike okutwalibwa ewa iba.

Okwolekebwa 22:19

Ate alikendeeza ku bibono eby'obulanzi ebiri mu kitabo kino, Katonda alimutoolaku omugabo gwe ogw'oku muti ogw'obulamu, n'ogw'omu kibuga ekitukuvu ebighandiikiibwaku mu kitabo kino.

Abalamuzi 17:13

Agho Mika yaakoba ati: “Mpegaano nga bwendi n'Omulevi nga ni kabona wange, ndidhi nga Musengwa Katonda aidha kundeetera ebintu okunjiiranga obukalamu.”