Isaia 48:11 - Baibuli Ekibono kya Katonda 2014

¹¹ Kale bye nkola byonabyona, mbikola lwa bulungi bwange nze, ndobe kuleka liina lyange kuswazibwa, oba okuleka ekitiisa kyange owundi okukigabanaku.”

Isaia 48:11 ပူးပေါင်းရင်းမြစ်များ

Zabbuli 106:8

Aye era yabawonia okuzikirira ku lw'obulungi obw'eriina lye, asobole okwoleka obuyinza bwe obungi.

Zabbuli 115:1

Aa Musengwa Katonda, ti niife abagwaniire okugheebwa ekitiisa, ti niife naire naire. Aye niiwe oteekwa okugheebwa ekitiisa, olw'okugonza kwo okutakoma n'obwesigwa bwo.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Zabbuli 25:7

Otaidhukira bibi byange na bisobyo byange eby'omu, buto aye olw'okugonza kwo okungi, n'olw'obulungi obw'eriina lyo, nze ondidhukiranga.

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 48:5

Kyenava ni mbakobereragho ebiribaagho, naabiranga mu bimanhe nga bikaali na kubaagho. Olwo mulobe kukoba muti, ‘Ebifaananie byaife ebibaadhe bye tusinza, era n'ebyo ebyakolebwa mu kyuma ekisaanuusiibwa, n'ebireeteire ebintu ebyo okubaagho.’

Isaia 48:9

Olw'okukuuma ekitiisa kyange, ka nfuge obusungu bwange mbaguminkirize, ndobe kubazikiriza.

Isaia 52:5

Nze Musengwa Katonda kye nva ni nkoba nti, ‘Mpegaano kiki kye nnaakola, nga ndi kubona abantu bange babatwalira ku bwereere? Abo ababafuga beesuuta, era buli kaakyeire nze baanhooma.’

Yeremia 14:7

Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Ezekieli 20:14

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:22

Aye neefuga, ekyo naaloba kukikola ku lw'eriina lyange, olwo lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:39

Musengwa Katonda era akoba ati: “Mperaano imwe Abaisiraeli, oba nga timwenda kumpulira, buli muntu aje agheereze ebisinzibwa bye ebitali nze Katonda. Aye mbalabula obutairayo kwonoona liina lyange eitukuvu, eno nga mumpa ebigheebwayo ate ere nga bwemusinza ebitali nze Katonda.

Ezekieli 20:44

Imwe abantu b'eighanga Isiraeli, ku lw'eriina lyange bwe ndibabisa obukalamu mu kifo eky'okubabisa obubi nga njiira ku bikolwa byaimwe ebikyamu ni ku mpisa dhaimwe embi, olwo mulimanha nga ninze Musengwa Katonda.”

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Ezekieli 36:22

“Kale ni kobera ab'eighanga Isiraeli oti nze Musengwa Katonda ndi kubakoba nti: Kino kye nja okukola tirikikola lwa kuba imwe ab'eighanga Isiraeli, aye ku lwa liina lyange eitukuvu lye mwayonoona mu maghanga ye mwajanga.

Danieli 9:17

Wo Katonda waife, mperaano ni wulira okusaba kwange n'okwegayirira kwange, nze omugheereza wo. Nkweghemba ogemerwe ekisa eisinzizo lyo eryalekebwa agho lityo, olwo oyoleke ekitiisa kyo.

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Ab'e Roma 2:24

Kyaghandiikibwa kiti: “Ku lwaimwe Abayudaaya eriina lyange livumibwa abamaghanga agandi.”

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.