Isaia 48:1 - Baibuli Ekibono kya Katonda 2014

¹ Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Isaia 48:1 ပူးပေါင်းရင်းမြစ်များ

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 35:10

Yaamukoba ati: “Eriina lyo niiwe Yakobo aye, okuva ni mpegaano tokaayetebwa Yakobo. Oidha kwetebwanga Isiraeli.”

2 Bakyabazinga 17:34

Ni ye buli eno bakaakola nga bwe baakolanga eira. Tibatya Musengwa Katonda, era tibagema mateeka ge waire okugondera ebiragiro bye, bye yagha ab'eizaire lya Yakobo ye yatuuma eriina Isiraeli.

2 Bakyabazinga 5:20

Gehazi omugheereza wa Elisha omuntu wa Katonda, yaakoba mule ati: “Bona, musengwa wange alese Naamani Omusiria yaaja, nga tamutoireeku ebyo bye yaleeta! Ndayira mu Musengwa Katonda omulamu nti ndidha kumulumuukirira mbeeku ni kye mmutoolaku.”

Zabbuli 63:11

Aye kyabazinga aidha kusagambanga olw'obughanguzi Katonda bw'amutuusaaku. Abo boonaboona abalayira eriina lya Katonda baidha kumusaakanga, kuba Katonda alisirisa eminwa egy'abaguya.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 68:26

Nga bemba bati: “Musaake Katonda mu bantu be abeesoloiza; musaake Musengwa Katonda imwe mwenamwena aba Yakobo.”

Zabbuli 68:27

Ekika kya Benjamini ekisembayo okuba ekitono, nga n'ekikulemberamu, abakulu mu kika kya Yuda bairaku mu bikunsu byaibwe. Abakulu mu kika kya Zebuluni, n'abakulu mu kika kya Nafutali boona bairaku.

Okuvaayo 23:13

“Mukuume ebiragiro ebyo byonabyona mulobe kubisobya. Mwerabirire irala emisambwa gyonagyona, era mutaganhanga maina gaagyo na kubabita mu kanwa.

Ensambo 5:16

Iwe okibona nga kikalamu amaadhi agava mu nsulo yo okukuuluulira eyo gatyo, ni gaba ng'oti mukoka mu nguudo edh'omu bibuga?

Isaia 26:13

Wo Musengwa Katonda waife, waire ng'abandi baatufugaku, aye niiwe wenka ye twidhi ng'Omufuzi waife.

Isaia 44:5

Ghalibaagho omuntu alikoba ati, ‘Nze ndi wa Musengwa Katonda.’ Ate ole alyetuuma eriina lya Yakobo, n'owundi yaaghandiika ku mukono gwe ati, ‘Nze ndi wa Musengwa Katonda,’ era yeebalira mu Baisiraeli.”

Isaia 45:23

Neerayiriire mwene, era kye ndhogera tija kukitoolagho naire: Kiisi muntu alinkubira amakiryaivu, era kiisi lulimi lulyeyama mu liina lyange.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Isaia 51:1

Musengwa Katonda akoba ati: “Mumpulirise imwe abanoonia okulokolebwa, mulowooze ku ibaale kwe mwabaadhibwa, ni ku kirombe eky'amabaale mwe baabasima.

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Isaia 65:16

Olwo kyaba nti, ole bw'aneesabiranga okugheebwa enkabi, enkabi edho aidha kudhisabanga nze Katonda ow'amazima. N'ole bw'anaalayiranga, aidha kulayiranga nze Katonda ow'amazima kuba ebizibu ebyabita biriwaagho byerabirwa, naaba nga tikaabifaaku naire.

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Yeremia 44:26

Aye mperaano, muwulire nze Musengwa Katonda kye neeyamye eri imwe mwenamwena Abaisiraeli abali mu Misiri. Neeyamye mu liina lyange ery'amaani nti tija kuganha muntu waire omulala ati ku imwe, okwirayo okukozesa eriina lyange mu kulayira, ng'akoba ati, ‘Nga Musengwa Katonda bw'ali omulamu.’

Yeremia 5:2

Waire nga mulayira muti, “Nga Musengwa Katonda bw'ali omulamu,” aye era bye mulayira bya buguya.

Abalevi 19:12

Mutalayiriranga bwereere liina lyange eitukuvu ni mulyonoona. Ninze Musengwa Katonda waimwe.

Mika 2:7

Odhuuba oti Abaisiraeli Musengwa Katonda yatukolimira? Oba oti okuguminkiriza kwe kwakendeera? Mbo bwenebwene Musengwa Katonda aghanga okukola ebintu oti n'ebyo? Buliidho tayogera na kivunika n'abo abakola obulungi?”

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Zekaria 5:3

Agho yankoba ati: “Mu nzingo y'ekitabo eyo mwaghandiikibwamu ekikolimo ekija okugema ensi yoonayoona. Olwo kibe nti omuntu yeenayeena anaibanga baidha kumutoolanga mu nsi eno, n'omuntu yeenayeena anaalayiranga eby'okusubagha, yeena bamutoolenga mu nsi eno.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Okubala 24:7

Amaadhi gaidha kubagwiranga mangi, ensigo dhaibwe dhibenga mu nimiro edhifukiriirwa obukalamu. Kyabazinga waibwe aidha kubanga mukologho okusinga kyabazinga Agagi, n'obwakyabazinga bwe bwidha kugheebwanga ekitiisa.

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

Yoanne 4:24

Katonda Mwoyo, era abamusinza bagwaine okumusinza mu Mwoyo ni mu mazima.”

Ab'e Roma 2:17

Aye iwe weeyeta Omuyudaaya, weesiga Amateeka, era weesuutira mu Katonda.

Ab'e Roma 9:6

Kino tikitegeeza nti ebisuubizo bya Katonda byalemwa okutuukirizibwa, kuba Abaisiraeli boonaboona ti n'abantu ba Katonda abalonde.

Ab'e Roma 9:8

Kino kitegeeza nti abaana abazaalibwa mu mubiri ti n'abaana ba Katonda, aye abo abazaalibwa olw'okusuubiza kwa Katonda n'abatwalibwa okuba baidhukulu ba Aburahamu abatuufu.

Amateeka Agokubiri 10:20

Mutyenga Musengwa Katonda waimwe, era yenka ye mube musinzenga. Mubenga beesigwa y'ali, era eriina lye lyonka, lye mube mulayirenga.

Amateeka Agokubiri 33:28

Kale ni Abaisiraeli baidha kubanga mu miraala; baidhukulu ba Yakobo abo baidha kubanga bonka, nga batyamiisa mu nsi eidhwire engaano n'omwenge ogw'emizabbibu, era efukirirwa omusulo oguva mu igulu.

Amateeka Agokubiri 5:28

“Musengwa Katonda bweyawulira ebibono bye mwayogera ninze, yankoba ati, ‘Mpuliire ebibono abantu bano bye bakukobye. Byonabyona bye boogeire bituufu.

Amateeka Agokubiri 6:13

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.

Okwolekebwa 2:9

Ndidhi okudaagadaaga kwo n'obwavu bwo, ate ng'oli mukombe. Ndidhi ebikughaamibwa abo abeeyeta Abayudaaya, ate nga ti Bayudaaya, aye abantu ba Sitaani.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.