Isaia 47:9 - Baibuli Ekibono kya Katonda 2014

⁹ Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Isaia 47:9 ပူးပေါင်းရင်းမြစ်များ

Zabbuli 73:19

Tibalwagho naire kuzikirira, kutemya na kuzibula, ng'entiisa ebeeyaagho.

Isaia 13:16

Abaana baibwe abaghere balibakuba ghansi, baabamanhiangula okutuusa okufa, nga balingiriire bulingirire. Endhu dhaibwe balidhinhagululamu ebintu, ni bakazi baibwe baabagema baabakaka.”

Isaia 21:9

Okuja okutemya n'okuzibula ng'embalaasi edhiri eibiri eibiri dhiri kwidha, nga buli ndala eriku ali kugivuga. Omukuumi yaayongeraku yaakoba ati: “Babiloni kigwire, Babiloni kigwire. N'ebifaananie bya bakatonda baakyo byona bigwire agho ghansi byamenhekamenheka.”

Isaia 47:11

Aye ebizibu birikwidhira ebikusinga amaani, akabi k'otalisobola kwetoolaku kaakutuukaku mu kaseera buseera, waatuuka ku kuzikirira kw'otasobola kwewonia.

Yeremia 15:9

Omukazi eyazaala abaana omusanvu aziriike, amaani gaamuwaamu. Abona nzikiiza waire nga bukaali musana. Ensoni dhimugemye yaaswala. Abo abaliba nga bakaasigairegho ku imwe, ndibaleka abazigu baabaita. Nze Musengwa Katonda, ninze nkobye.”

Yeremia 51:29

Ensi eri kudhugumira era yaatengeeta, kuba Musengwa Katonda aja kutuukiriza entegeka ye ey'okufuula Babilonia eirungu omutaba bantu.

Danieli 2:2

Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Danieli 5:7

Yaayasiikana yaayetesa abalaguzi, abasamize, ab'amaghembe, n'abo abeetegereza ebiri ku igulu. Abagezigezi abo ab'omu Babiloni bwe baatuuka, kyabazinga yaabakoba ati: “Omuntu yeenayeena anaasoma ekighandiiko ekyo, n'ankobera amakulu gaakyo, baidha kumuvaaza engoye edh'erangi ya nakasooma, bamute n'omukuufu ogwa zaabu mu nkoto, era bamukuze abe omufuzi ow'eidaala eryokusatu mu bwakyabazinga bwange.”

Nahumu 3:4

Ebyo byonabyona biri kutuuka ku kibuga ekyo Nineve olw'okwebisa nga malaaya asikiriza ali n'obulezi bwene obwita; kuba kisendasenda amaghanga okugakiidhamya era kyakozesa obulezi bwakyo okugafuula abairu.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

Ruthi 1:20

Aye yaabakoba ati: “Mutandheta Naomi, mundhete Mara ekitegeeza okukaayirira, kuba Katonda oyo Aghanga Ebintu Byonabyona yandeetera obulamu okunkaayira.

Ruthi 1:5

Bwe ghaabitagho emyaka ng'oti ikumi, abalenzi abo bombi boona baafa. Naomi yaasigala agho nga namwandu, era nga n'abaana bamuwoireku.