Isaia 47:12 - Baibuli Ekibono kya Katonda 2014

¹² Kale iwe weekalangulire ku irogo lyo ni ku kulagula kwo, by'obaire okozesanga okuva mu buto bwo. Oba katyo wandibifunamu omuganhulo, byakuyamba okutiisa abazigu bo.

Isaia 47:12 ပူးပေါင်းရင်းမြစ်များ

Zabbuli 129:1

“Okuva mu buto bwange abazigu bange babaire bandaazadaaza inho.” Abantu ba Isiraeli mukobe muti:

Okuvaayo 7:11

Agho kyabazinga yaayetesa abasaadha be abagezigezi n'abalogo, boona baakozesa obulogo bwaibwe baakola ekintu n'ekirala.

Okuvaayo 8:7

Aye abalogo baakozesa eirogo lyaibwe, boona baaleetera ebikere okwidhula ku nsi Misiri.

Okuvaayo 9:11

Abalogo ku luno tibaasobola kwegeza mu Musa, kuba boona baali baidhwire amabuubuuto ng'oti n'Abamisiri abandi boonaboona.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 2:28

“Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Ezekieli 21:26

Nze Musengwa Katonda ndi kukoba nti: Toolaku engule yo ku mutwe era osibuleku n'ekitambaala kyo ku mutwe, kuba ebintu tibirisigala nga bwe biri naire. Niinia abanafu babe bafuzi, ate ab'obukumu obaniinuse babe ghansi.

Danieli 2:11

Isebantu kyabazinga, ekyo ky'oli kutukoba okukola kikalangufu inho era ghazira muntu asobola kukikukobera, okutoolaku bakatonda bonka. Aye ate bakatonda abo tibaba mu ife, ife abantu obuntu.”

Danieli 2:2

Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 5:15

Mpegaano mbaire naakamala okwetesa abagezigezi n'abasamize, era baabandeetera ghano basome ekighandiiko ekyo, bankobere n'amakulu gaakyo, aye tibasoboire kuzuula makulu ago.

Mika 3:7

Abo abalengera ebiri mu maiso n'abalaguzi boonaboona baja kuswazibwa olw'okulemwa okukoba ebituufu. Baja kwegema mu maiso nga baswaire olwa Katonda okubasiriikirira.

Nahumu 3:4

Ebyo byonabyona biri kutuuka ku kibuga ekyo Nineve olw'okwebisa nga malaaya asikiriza ali n'obulezi bwene obwita; kuba kisendasenda amaghanga okugakiidhamya era kyakozesa obulezi bwakyo okugafuula abairu.

Okubala 22:25

Endogoyi bweyabona malaika wa Musengwa Katonda, yeesugeenhia ku kimante era yaanhigiririzaamu ekigere kya Balaamu. Kabiri Balaamu yaagikuba.

Okwolekebwa 9:21

Era baaloba okwenenia olw'obutemo bwaibwe, n'obulogo bwaibwe, n'obudankaanu bwaibwe, n'obwibi bwaibwe.