Isaia 47:11 - Baibuli Ekibono kya Katonda 2014

¹¹ Aye ebizibu birikwidhira ebikusinga amaani, akabi k'otalisobola kwetoolaku kaakutuukaku mu kaseera buseera, waatuuka ku kuzikirira kw'otasobola kwewonia.

Isaia 47:11 ပူးပေါင်းရင်းမြစ်များ

Nehemia 4:11

Abazigu baife beekobaana bati: “Tibaidha kumanha era tibaidha kubona, okutuusa bwe tunaabatuukamu ni tubaita, ni tulekeza omulimo ogw'okuzimba okuja mu maiso.”

Zabbuli 35:8

Aye ka batuuke ku kuzikirizibwa nga tibaidhi, olutuula lwe baagisa lugemye beene abo, balugwemu bazikirire.

Zabbuli 50:22

Mumanhe kino imwe abatanfaaku nze Katonda: nsobola okubayuzayuza ate nga ghazira na muntu wa kubawonia.

Zabbuli 55:15

Abazigu bange mbendeza kufa kikutuko, baaziikibwa nga balamu. Amaka gaibwe gaidhwire abakozi b'ebibi, ebiidhwire mu myoyo gyaibwe.

Zabbuli 73:19

Tibalwagho naire kuzikirira, kutemya na kuzibula, ng'entiisa ebeeyaagho.

Ensambo 13:21

Ebizibu bija nga binoonereza aboonooni, aye abatuufu baligheebwa ebirungi.

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 29:5

“Aye iwe Yerusalemu, waire abazigu bo bali lukunkumuli, balifuumuulwa ng'oti nkungu, n'abalwani baibwe abakambwe olukunkumuli, baliba ng'oti bikaba empewo by'efuuwa ere. Ate amangu geene, mu kaseera buseera,

Isaia 30:13

agho ni muliku omusango era gubaleeteire okuba ng'oti n'ekimante ekigungumavu ekyetemye ogutanda, nga kiruyiriire era nga kiri kugwa amangu geene, mu kaseera buseera.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Isaia 47:9

Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Isaia 48:8

Okuva eira n'eira timubiwulirangaku na matu gaimwe, waire okubimanhaku, kuba namanha nga mwefuulafuula, era ng'okuva lwe mwazaalibwa muli badheemu.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Yeremia 51:29

Ensi eri kudhugumira era yaatengeeta, kuba Musengwa Katonda aja kutuukiriza entegeka ye ey'okufuula Babilonia eirungu omutaba bantu.

Yeremia 51:43

Ebibuga byakyo bifuuse bifo ebitiisa einho. Biri ng'oti irungu omuzira maadhi, era omuzira bantu babibaamu waire ababibitamu obubite.

Yeremia 51:8

Aye buti egwire mangu inho yaazikirira! Mugiririre inho amaziga! Mugifunireyooku ku bulezi olw'obulumi bw'erimu, oba katyo enaawona.

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Ezekieli 7:26

Akabi olulibanga okuvaagho kati ng'akandi kairagho, era mulibanga mwakamala okuwulira olubono olwogeirwa nga kabiri muwulira n'olundi. Mulisaba abalanzi babakobere bye bafunie mu kubonekerwa. Bakabona baliba tibakaali na mateeka ge basomesa bantu, n'abantu abakulu balibulwa amagezi ge bagha.

Matayo 18:34

Musengwa yaanakughala inho, era yaamughaayo mu ikomera bamudaazedaaze, okutuusa ng'asaswire eibandha lyonalyona.

Luka 12:59

Ka nkukobere: Omwo tolivaamu okutuusa ng'omaze okusasula n'akasente akasembayo.”

Luka 17:27

Abantu baali bali ku kulya, kunhwa, kubayiza, na kubayira, okutuusa ku lunaku Noa lwe yangira mu lyato, amaadhi ag'omwidhuzo gaidha gabazikiriza boonaboona.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Okwolekebwa 3:3

“Kale idhukira bye wayegeresebwa ni bye wawulira, obigeme era weenenie. Bw'otaazuuke ndidha kwidha ng'omwibi, era tolimanha kaseera ke ndiidhiramu y'oli.