Isaia 46:8 - Baibuli Ekibono kya Katonda 2014

⁸ Imwe abakozi b'ebibi, mwidhukire ekintu ekyo era mukirowoozeeku.

Isaia 46:8 ပူးပေါင်းရင်းမြစ်များ

Zabbuli 115:8

Abo ababikola bagwananga boona baaba ng'oti ni byene bwe biri, n'abo ababyesiga boona baabanga batyo.

Zabbuli 135:18

Abo ababikola ghalala n'abo ababyesiga, bagwananga boona baaba ng'oti ni byene bwe biri.

Isaia 47:7

Walowoozanga oti oliba inhebantu byanda na byanda, waaloba kutaayo mwoyo na kwidhukira nti buli kintu kiri n'enkomerero.

Isaia 48:8

Okuva eira n'eira timubiwulirangaku na matu gaimwe, waire okubimanhaku, kuba namanha nga mwefuulafuula, era ng'okuva lwe mwazaalibwa muli badheemu.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Ezekieli 18:28

kuba olwo aba yeefumintiriiza yaakyuka, yaalekera okukola ebibi byonabyona bye yakola. Bwenebwene talifa, aliba mulamu.

Haggai 1:5

Aye kale ni, mubone ebibatuuseeku?

Haggai 1:7

Aye kale ni, muboine ebibatuuseeku?

Luka 15:17

Aye bwe yairamu amagezi yaakoba ati, ‘Ye ng'abakozi ba lata wange balya emere baalekerera! Aye nze naalambukira ghano?

1 Ab'e Korintho 14:20

Aboluganda, mutabanga na bidhuubo ng'oti bya baana bato. Bwe kuba mu bya kukola bubi, mube ng'oti baana bato abaziraku musango. Aye mu kudhuuba mube bakulu.

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Amateeka Agokubiri 32:29

Ngoli baali n'amagezi banditegeire ekibaleeteire abazigu okubaghangula.