Isaia 46:4 - Baibuli Ekibono kya Katonda 2014

⁴ Ni bwe mulikula ni mukairigha ni mumera n'envu, era ndidha kubalabiriranga. Ninze eyabatonda, era ndidha kubakuumanga mbayambe mbalokole.

Isaia 46:4 ပူးပေါင်းရင်းမြစ်များ

Zabbuli 48:14

muti: “Katonda ono, ni Katonda waife ebyanda n'ebyanda. Ono n'aidha okutukulemberangamu ebyanda n'ebyanda.”

Zabbuli 68:19

Tusaakenga Musengwa Katonda, oyo n'atwetwikira ebizibu byaife buli kaakyeire. Oyo ni Katonda atulokola.

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Zabbuli 71:9

Ni bwendikairigha otansuula ere; otandekulira agho ng'ate amaani gampweire.

Zabbuli 92:14

Waire bakaire aye bakaabala ebibala, era bakaali bagimu ababoneka obukalamu.

Isaia 41:4

Naani eyaleetera ebyo byonabyona okubaagho, n'abitegeka okuviira irala mu mainhama? Ninze Musengwa Katonda eyaligho ku ntoolo, era ninze alibaagho ku nkomerero.

Isaia 43:13

Nze ninze Katonda okuva eira n'eira, era buliidho ndidha kusigalanga nga ninze Katonda. Ghazira asobola kutoola kintu kyonakyona mu buyinza bwange, era ghazira asobola kukyusaamu mu kye mba nkoze.”

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 48:12

Musengwa Katonda akoba ati: Imwe Abaisiraeli be nayeta, baidhukulu ba Yakobo mumpulirise. Ninze Katonda eyaligho ku ntoolo, era ninze ndibaagho ku nkomerero.

Malaki 2:16

Musengwa Katonda wa Isiraeli akoba ati: “Nkyagha ekikolwa eky'abafumbo okwawukana.” Era Musengwa Katonda oyo Afuga Amagye akoba ati: “Nkyagha ekikolwa ekyo eky'obukambwe eky'omusaadha okubinga mukazi we. Kale mwegenderezenga mulobe kubanga batali beesigwa.”

Malaki 3:6

“Nze Musengwa Katonda tikyukangaku, era n'imwe mwena baidhukulu ba Yakobo timumalibwangagho.

Ab'e Roma 11:29

Kuba Katonda tiyeidhusa bw'alondamu, oba bw'agabira abantu.

Amateeka Agokubiri 1:31

ni mu irungu. Mu lugendo lwonalwona lwe mwatambula nga muli eyo mu irungu okutuusa lwe mwatuuka mu kifo kino, mwabona Musengwa Katonda waimwe nga bweyababbeeda, ng'oti n'omuntu bw'abbeeda omwana we.’

Abaheburayi 1:12

Olibizingaku ng'ekidhuuba era birikyusibwa ng'oti bivaalo. Aye iwe tokyukakyuka, era obulamu bwo tibuwaagho.”

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.