Isaia 46:11 - Baibuli Ekibono kya Katonda 2014

¹¹ Ndyeta omuntu yaidha okuva e buvandhuba. Aliidha ng'oti n'enhonhi eyiiga, yaaja yaakola kye ntegeike. Ntyo bwe nkobye era tiriroba kukituukiriza.

Isaia 46:11 ပူးပေါင်းရင်းမြစ်များ

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Yobu 23:13

“Aye Katonda takyuka era ghazira asobola kumukyusa, oba okumutakania alobe kukola ky'ayenda.

Zabbuli 119:24

Mba musangaavu okukola nga bw'onkoba, kuba by'onkoba n'ebimpa amagezi.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 18:6

Emirambo gyaibwe baligireka agho okuliibwa enhonhi edh'oku nsozi n'ensolo edh'omu nsiko. Enhonhi dhirirya ku egyo mu biseera eby'endoboozi, n'ensolo dhaalya okwo mu biseera eby'ekiinhogogo.”

Isaia 22:25

Musengwa Katonda Afuga Amagye akoba ati: “Olunaku olwo bwerulituuka, enkondo ye baali bakomereire mu kifo kyayo n'eguma, erisimbukayo yaagwa. Era eyo n'eriba enkomerero y'ebyo byonabyona ebigighanikiibwaku.” Musengwa Katonda n'ayogeire.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 37:26

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante ebigumu, ni bifuuka bwa mmungo ya bimunku.

Isaia 38:15

Tiidhi na kya kwogera, kuba Musengwa Katonda mwene n'aleeteire ebyo okubaagho. Ndi n'enaku nhingi ku mwoyo, n'amaani gampoiremu. Era tikaatenduka na ndoolo.

Isaia 41:2

Naani eyasiikuula omuntu oyo ow'e buvandhuba n'amuleetera okwidha, aje ng'aghangula buli gh'atuuka woonawoona? Naani amuleetera okughangula amaghanga, naatyankirira bakyabazinga n'ebigere bye n'abaitisa empiima ye, n'abafuuta ni baba ng'oti bwa nkungu, era n'abasansaania n'obusaale bwe ni baba ng'oti n'eisubi eikalu empewo ly'efuuwa n'eritwaliriza?

Isaia 41:25

Nasiikuula omuntu ava ku luuyi olw'omukono omugooda olw'e buvandhuba, era wuuyo atuuse. Alikozesa eriina lyange, yaatyankirira abafuzi ng'oti bityanka yaaba ng'oti n'omuwumbi bw'asamba eitosi.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Isaia 56:9

Musengwa Katonda era akoba ati: “Imwe mwenamwena amaghanga ag'endha mwidhe muzikirize abantu bano ng'oti n'ensolo edh'omu nsiko bwe dhizikiriza.

Yeremia 44:28

Aye ghalibaagho abatono bati ku imwe abaliwona okufa, ni bava e Misiri ni baira mu Buyudaaya. Olwo abo abaliwonagho balimanha oba nga ebibono ebyange n'ebituukiriire, oba ebyaibwe.

Yeremia 50:29

“Musoloze abakugu boonaboona mu kulasa obusaale, n'abo boonaboona abaidhi okukozesa obulaso n'obusaale, baje balumbe ekibuga Babiloni. Bakizingize okukyezunguluza, era balobe kuganha muntu yeenayeena kulumuka kuwona. Olwo mukyesasulizeeku byonabyona bye kyakola era mukibise nga kyene bwe kyabisanga abandi kuba kyaneekudumbalizaaku nze Omutukuvu wa Isiraeli.

Yeremia 50:44

“Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena, nze Musengwa Katonda, ntyo bwendiidha okuzindula Abababilonia, balumuke bave mu kibuga kyaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Yeremia 50:45

Kale ni muwulire kye ntegeike okukola ku kibuga Babiloni, akabi ke neesoomeire okutuusa ku bantu baakyo. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Ezekieli 39:4

Era iwe mwene, n'eigye lyo lyonalyona, n'abalwani abava mu maghanga agandi abaliba aghalala n'iwe, muligwa ku nsozi edh'omu Isiraeli. Olwo naaghaayo emirambo gyaimwe eri enhonhi edh'oku nsozi n'ensolo edh'omu nsiko, dhaagikankamira.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

Ebikolwa by'Abatume 5:39

aye bwe biba bya Katonda timuusobole kubaghangula. Mughanga okweyagaana nga muli kutakania Katonda.” Baaganha amagezi ge.

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'Efeso 3:11

Katonda yakola kino ng'ajiira ku kigendererwa eky'ebyanda n'ebyanda era kye yatuukiriza mu Kurisito Yesu Musengwa waife.

Okwolekebwa 16:12

Malaika owomukaaga yaayugha ekibya kye mu mwiga omunene Eufurate gwakala, okulekera bakyabazinga abava e buvandhuba engira.