Isaia 46:10 - Baibuli Ekibono kya Katonda 2014

¹⁰ Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Isaia 46:10 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Yobu 23:13

“Aye Katonda takyuka era ghazira asobola kumukyusa, oba okumutakania alobe kukola ky'ayenda.

Zabbuli 135:6

Musengwa Katonda ky'ayenda ky'akola, ka mube mu igulu oba ku nsi, ka mube mu nhandha oba ku ntobo y'enhandha.

Zabbuli 33:11

Aye mwene bw'ategeka ebibye bituukirira ebyanda n'ebyanda; ebidhuubo bye bisigalagho ense n'ense.

Ensambo 19:21

Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 14:24

Musengwa Katonda Afuga Amagye yeerayiriire ati: “Bwenebwene nga bwe ntegeike okukola, era bwe kiidha okuba; nga bwe nsazeegho, era bwe kiidha okukolebwa.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 40:8

Waire nga kituufu ng'eisubi liniala n'ekimuli kyamagala, aye ekibono kya Katonda kibaagho ebyanda n'ebyanda.”

Isaia 41:21

Musengwa Katonda kyabazinga wa Isiraeli akoba ati: “Imwe bakatonda ab'amaghanga mwandhule ensonga dhaimwe, mutooleyo n'obudhulizi obukakasa.

Isaia 41:4

Naani eyaleetera ebyo byonabyona okubaagho, n'abitegeka okuviira irala mu mainhama? Ninze Musengwa Katonda eyaligho ku ntoolo, era ninze alibaagho ku nkomerero.

Isaia 43:13

Nze ninze Katonda okuva eira n'eira, era buliidho ndidha kusigalanga nga ninze Katonda. Ghazira asobola kutoola kintu kyonakyona mu buyinza bwange, era ghazira asobola kukyusaamu mu kye mba nkoze.”

Isaia 44:7

Naani ali ng'oti ninze? Bw'aba ng'aliyo, akyogere akikakase mu maiso gange. Naani okuva eira n'eira eyalangiriranga ebyali bija okubaagho? Kale buti leka akobere abantu n'ebyo ebija okubaagho.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 46:11

Ndyeta omuntu yaidha okuva e buvandhuba. Aliidha ng'oti n'enhonhi eyiiga, yaaja yaakola kye ntegeike. Ntyo bwe nkobye era tiriroba kukituukiriza.

Isaia 48:14

Mwidhe mwenamwena mwesolokeze ghalala, muwulire. Naani ku bakatonda boonaboona eyaali alanzeeku ati nze nonze omuntu ye nhenda, aja okulumba Babiloni asobole okukikolaku nga nze bwe nhenda?

Isaia 48:3

Musengwa Katonda oyo akoba Isiraeli ati: “Okuva eira n'eira, nze nabakoberanga ebiribaagho, era mwene nze naamalanga naabireetera okubaagho amangu geene, byatuukiriranga.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Yeremia 44:28

Aye ghalibaagho abatono bati ku imwe abaliwona okufa, ni bava e Misiri ni baira mu Buyudaaya. Olwo abo abaliwonagho balimanha oba nga ebibono ebyange n'ebituukiriire, oba ebyaibwe.

Ezekieli 39:8

Musengwa Katonda akoba ati: “Bona, olunaku lwe ndhogeireku luli kwidha, era luja kutuukirizibwa.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Hosea 5:9

Ensi Isiraeli erifuuka bifulukwafulukwa ku lunaku olw'okubonerezebwaku. Bwenebwene nangirira mu bika bya Isiraeli, nti kye ndikukoba kiri n'okutuukirira.

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’

Ebikolwa by'Abatume 3:23

Era kiisi muntu atawulira mulanzi oyo alitoolebwa mu bantu yazikirizibwa.’

Ebikolwa by'Abatume 5:39

aye bwe biba bya Katonda timuusobole kubaghangula. Mughanga okweyagaana nga muli kutakania Katonda.” Baaganha amagezi ge.

Abaheburayi 6:17

Kale Katonda bwe yayenda akakase bye yasuubiza, kye yava n'alayira. Yayenda okukakalisa irala abo abalifuna ebyasuubizibwa ati ebyasuubizibwa talibikyusa.