Isaia 45:9 - Baibuli Ekibono kya Katonda 2014

⁹ Akagwireku oyo atakania Eyamutonda, kuba aba ng'oti n'ekiwumbe bwe kyanditakainia ole akiwumbye. Aye nga bwenebwene eitosi lisobola okubuuza aliwumbisa liti: “Oli kuwumba ki?” Oba okukoba liti: “Ozira bukugu?”

Isaia 45:9 ပူးပေါင်းရင်းမြစ်များ

Yobu 10:9

Idhukira nga wampumba mu itosi. Onandhizaayo wanfuula enkungu kabiri?

Yobu 33:13

Ku lwaki omuvunaana olw'obutakwiramu by'okoba?

Yobu 40:2

“Onsonsooniiza wanvunaana, mpegaano obwo tondhiremu, onaasirika busirike?”

Yobu 9:12

Bw'atwala ekintu kyonakyona ky'ayenda, naani asobola okumulobera? Naani akana okumubuuza ati, ‘Oli kukola ki ekyo?’

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Omulangirizi 6:10

Buli kintu ekirigho, kyamala ira okutuumibwa eriina. N'omuntu ekikula kye kimanhiibwa: tasobola kutakana n'oyo amusinga maani.

Isaia 10:15

Aye Musengwa Katonda akoba ati: “Empasa esobola okwesuuta eti n'esinga ole agitemesa? Oba, omusumeeni gusobola okwekuluntaliza ku muntu ali kugusaza? Ate oba oluga ti n'oluwuuba ole alugemye, oba omwigo okubbeeda omuntu atali kiti!”

Isaia 29:16

Bafuulaniafuulania ebintu inho! Bwenebwene ole asobola okugeza omuwumbi ku itosi obutosi? Ekintu omuntu ky'akoze kisobola okukoba eyakikola kiti: “Ti niiwe eyankola?” Oba, ekiwumbe okukoba eyakiwumba kiti: “Totegeera naire?”

Isaia 45:10

Akagwireku oyo akoba lata we n'inhina ati: “Ku lwaki mwanzaala?”

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Isaia 64:8

Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Yeremia 18:6

“Imwe Abaisiraeli, mulowooza muti nze tisobola kukola ku imwe ekyo omuwumbi oyo ky'akola ku itosi? Muli mu ngalo dhange ng'eitosi bweriba mu ngalo edh'omuwumbi.

Yeremia 36:29

Era kyabazinga oyo omukobe oti, ‘Wayokya enzingo y'ekitabo era waabuuza Yeremia lwaki yaghandiika ati kyabazinga ow'e Babilonia aliidha yaazikiriza ensi eno, era yaita abantu baamu n'ensolo dhaamu.’

Yeremia 50:24

Iwe Babilonia, waanwanisa nze Musengwa Katonda, aye omutego gukugemiisa gwe nakutega nga toidhiiku naire.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

1 Ab'e Korintho 10:22

Twenda kuleetera Katonda kuba wa nkikidi? Niife tumusinga amaani?