Isaia 45:24 - Baibuli Ekibono kya Katonda 2014

²⁴ Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 45:24 ပူးပေါင်းရင်းမြစ်များ

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Zabbuli 110:2

Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

Zabbuli 71:16

Ndidha kutambuliranga mu maani go iwe Musengwa Katonda; ndidha kusaakanga obutuufu bwo, obubwo iwe wenka.

Zabbuli 72:9

Abantu ababa mu irungu bamukubire amakiryaivu, n'abazigu be bakombe enkungu.

Zabbuli 89:17

Kuba niiwe otugha obughanguzi obutaloodheka; era olw'okutugonza waatugha okusagamba ng'abaghanguzi.

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 41:11

Bona eno, abo boonaboona abakuliku enzigu, ensoni dhiribagema baaswala. Abo abakulwanisa balizikirira baasaanagho.

Isaia 44:8

Mutatya era mutawaamu maani. Mukiidhi bukalamu ng'okuva eira n'eira n'okutuusa ye buli eno, mbairenga mbakobera ebiribaagho. Era niimwe abadhulizi bange. Ate eriyo ekyetebwa katonda okutoolaku nze? Ninze zenka ali ng'oti n'olubaale mwe mwewogoma, ezirayo wundi ye ndidhi.”

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 55:5

Ekiseera kirituuka mwayeta amaghanga ge mutaidhiiku naire, gaalumuka gaidha ye muli waire nga goona imwe tigabaidhi. Nze Musengwa Katonda waimwe, Omutukuvu wa Isiraeli, ninze ndireetera ekyo okubaagho, olw'okubagheesa imwe ekitiisa.”

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 60:9

Ago n'amaato agava mu nsi edh'eghala, nga gakulembeirwamu amaato ag'e Tarushishi, agali kuleeta abantu ba Musengwa Katonda okuva eyo eghala. Abantu abo baleese feeza waibwe ni zaabu waibwe, okugha ekitiisa Musengwa Katonda Omutukuvu wa Isiraeli, kuba ataire ekinhagansi mu bantu be.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Habakkuku 3:19

Musengwa Katonda n'ampa amaani, yaagumya ebigere byange ku itaka oti bya mpongo, yankuuma naaloba kutyerera ku nsozi kugwa.

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 12:5

Agho abantu b'omu bika bya Buyudaaya balikoba mule bati, ‘Musengwa Katonda Afuga Amagye, agha abantu be ab'omu Yerusalemu amaani.’

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Luka 13:17

Bwe yakoba ebyo abaali bamutakania baaswala ate abantu boonaboona baasagamba olw'eby'ekitiisa bye yali akola.

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

Yoanne 7:37

Ku lunaku lw'ekibinuko olusembayo era olusinga bukologho, Yesu yaayemerera yaayogerera ghaigulu ati: “Kiisi ali endiwo aidhe ye nze anhwe.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'Efeso 3:16

Naamusaba olw'ekitiisa ekyodo, abagumye ng'abagha amaani, mule munda, ng'abita mu Mwoyo we,

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Ab'e Filippi 4:13

Nsobola okugumira byonabyona olw'amaani Kurisito g'ampa.

Ab'e Kolosai 1:11

Mukalanguke olw'amaani goonagoona agaabagheebwa okuva mu bukumu bwe obw'ekitiisa, mughange okugumira buli kintu n'obuguminkiriza era n'okusagamba.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

Okwolekebwa 11:18

Abantu abataikiriza baidhula inho, aye obusungu obubwo bwaidha, ekiseera kyatuuka eky'okusalira abafu omusango, n'eky'okugheeramu empeera abagheereza bo abalanzi, n'abatuukirivu, n'abantu bo boonaboona abakutya, abakulu n'abato; era ekiseera eky'okuzikiririzaamu abo abazikiriza ensi.”

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.