Isaia 45:23 - Baibuli Ekibono kya Katonda 2014

²³ Neerayiriire mwene, era kye ndhogera tija kukitoolagho naire: Kiisi muntu alinkubira amakiryaivu, era kiisi lulimi lulyeyama mu liina lyange.

Isaia 45:23 ပူးပေါင်းရင်းမြစ်များ

Amainhama 31:53

Katonda wa Aburahamu era Katonda wa Nahori, atusalirenga omusango nze n'iwe.” Yakobo yaalayira mu liina lya Katonda wa Isaaka ise, ati aidha kukuumanga endagaano eyo.

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Zabbuli 132:2

Wo Musengwa Katonda, idhukira ebyo Daudi oyo bye yasuubiza, ebyo bye yeeyama eri iwe Omukologho wa Yakobo.

Zabbuli 63:11

Aye kyabazinga aidha kusagambanga olw'obughanguzi Katonda bw'amutuusaaku. Abo boonaboona abalayira eriina lya Katonda baidha kumusaakanga, kuba Katonda alisirisa eminwa egy'abaguya.

Zabbuli 98:2

Musengwa Katonda amanhiisa ensi yoonayoona obughanguzi bwe, yaayoleka ensi dhoonadhoona obukumu bwe obuwonia.

Isaia 21:17

Waire ng'abalasi b'obusaale Abakedari n'abasinga okuba abalwani ab'amaani, aye abalisigalagho baliba batono. Nze Musengwa Katonda wa Isiraeli, ntyo bwe nkobye.”

Isaia 45:19

Tyogerangaku mu kaama ng'oti n'ali mu nsi ey'enzikiiza. Tikobangaku Baisiraeli kuunooneza mu nsi ntabangufutabangufu, ni badaagira bwereere nga ti bambona. Nze Musengwa Katonda ndhogera mazima, naakobera abantu ebituufu.”

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Isaia 49:18

Linga ere ku ndhuyi dhoonadhoona obone. Baabo bali kwesoloza okwidha y'oli. Nze Musengwa Katonda nkoba nti nga bwendi omulamu, abantu bo abo baidha kukuleeteranga okwesiima, ng'oti n'ebyamadholobera bwe bireetera omugole abivaire okwesiima.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 65:16

Olwo kyaba nti, ole bw'aneesabiranga okugheebwa enkabi, enkabi edho aidha kudhisabanga nze Katonda ow'amazima. N'ole bw'anaalayiranga, aidha kulayiranga nze Katonda ow'amazima kuba ebizibu ebyabita biriwaagho byerabirwa, naaba nga tikaabifaaku naire.

Yeremia 22:5

Aye bwe mutaagonderenga bye ndagira, nze neerayirira mwene nti ekisaagaati kino eky'obwakyabazinga kija kufuuka bifulukwa byereere. Nze Musengwa Katonda, ninze nkobye.”

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Amosi 6:8

Musengwa Katonda afuga amagye, alayiire ati: “Neesiniirwa okwekuluntaza kw'Abaisiraeli, era endhu dhaibwe edhibeeyagaza tidhiinhoonha naire. Kye ndiva ni mpaayo ekibuga kyaibwe ekikulu n'ebikirimu byonabyona eri abazigu baibwe.”

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Ab'e Roma 11:4

Aye Katonda yamwiramu atya? Yamwiramu ati: “Neekuumiiregho abasaadha kasanvu (7,000) abatakubirangaku Baali makiryaivu.”

Amateeka Agokubiri 6:13

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

Ab'e Filippi 2:10

Olwo kiisi kiri mu igulu, ni mu nsi, ni mu itaka, kikubire eriina lya Yesu amakiryaivu.