Isaia 45:22 - Baibuli Ekibono kya Katonda 2014

²² Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Isaia 45:22 ပူးပေါင်းရင်းမြစ်များ

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

Zabbuli 22:17

Amagumba gange goonagoona geegeze, abazigu baaningaku baaneerolera.

Zabbuli 22:28

kuba obufuzi bwonabwona bwa Musengwa Katonda, era oyo n'afuga amaghanga.

Zabbuli 65:5

Bwe tukusaba otwiramu, waatuwonia ng'okola ebyewuninkiriza. Niiwe Katonda atulokola, era eisuubi ery'abantu boonaboona ab'oku nsi n'abo abali eyo ng'otuumye enhandha edhiri eghala einho.

Zabbuli 65:6

Iwe wataagho ensozi olw'amaani go, kuba oli wa maani mangi.

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Isaia 41:22

Mwidhe mutukobere ebiribaagho, tumanhe bukalamu ghe biribeeragho. Mutukobere n'ebyabita, mutwinhonhole n'amakulu gaabyo, tubirowoozeeku tumanhe ekiribivaamu.

Isaia 43:6

Ndiragira oluuyi olw'omukono omugooda olw'e buvandhuba lwabalekula, naalagira n'oluuyi olw'omukono omusaadha olw'e buvandhuba lwaloba kubaloberaku. Olwo mwaleeta batabane bange okuva eyo eghala, era mwaleeta ni baghala bange okuva eyo mu nsi dhoonadhoona.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 45:5

Ninze Musengwa Katonda zenka, ezirayo Katonda wundi naire. Ndikugha amaani ge weetaaga, waire nga iwe tondidhi.

Isaia 49:12

Mubone eno, abantu bange baliva ghala eyo: abandi baliva ku luuyi olw'omukono omugooda olw'e buvandhuba, abandi baava e bugwandhuba, n'abandi baava mu kiketezo ky'e Sinimu.’

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 55:5

Ekiseera kirituuka mwayeta amaghanga ge mutaidhiiku naire, gaalumuka gaidha ye muli waire nga goona imwe tigabaidhi. Nze Musengwa Katonda waimwe, Omutukuvu wa Isiraeli, ninze ndireetera ekyo okubaagho, olw'okubagheesa imwe ekitiisa.”

Isaia 55:6

Munoonie Musengwa Katonda nga mukaasobola okumubona gh'ali, mumusabe ng'akaabali kumpi.

Isaia 60:3

Amaghanga galiidha eri obutangaavu bwo, ni bakyabazinga baidha eri okumesunkana kwo.

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Yoanne 6:40

Lata wange ky'ayenda ni kino: buli abona Omwana era n'amwikiriza afune obulamu obutawaagho era mmuzuukize ku lunaku olusembayo.”

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.