Isaia 45:21 - Baibuli Ekibono kya Katonda 2014

²¹ Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 45:21 ပူးပေါင်းရင်းမြစ်များ

Zabbuli 26:7

Nja nga nhembera ghaigulu olwembo olw'okukusiima, nga nkobera abantu ebyo by'okola ebyewuninkiriza.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Zabbuli 96:10

Mukobere amaghanga goonagoona muti: “Musengwa Katonda ni Kyabazinga! Ensi kyeva n'eba engumu mu kifo kyayo, ni ghabula ekisobola okugiseseetula. Aja kusalira abantu omusango nga tasaliriza.”

Isaia 19:20

Obwo buliba bumanhiso obwoleka nga Musengwa Katonda Afuga Amagye ali mu nsi Misiri. Era abantu bwe balimulirira nga bali kutuntuzibwa, alibatumira omuyambi yaabalwanirira era yaabawonia.

Isaia 41:26

Naani ku imwe eyalangaku nga bukaali ati kino kiribaagho, olwo tusobole okumanha nga yali mutuufu? Ghazira waire omulala ati ku imwe eyakirangiriraku, oba okubaagho omuntu eyawuliraku nga mukyogeraku.

Isaia 43:11

Nze zenka, ninze Musengwa Katonda, era nze zenka, ninze omulokozi waimwe.

Isaia 43:3

kuba ninze Musengwa Katonda wo, Omutukuvu wa Isiraeli era Omulokozi wo. Ndighaayo Misiri olw'okukununula, era naaghaayo Ethiopia ni Seba olw'okukuwonia.

Isaia 43:9

Mwete abantu abamaghanga goonagoona beesololeze ghalala. Naani ku bakatonda baibwe asobola okulanga ebiribaagho, n'atukobera n'ebyaligho eira? Baleete obudhulizi bwaibwe obukakasa nga batuufu, era obudhulizi obwo n'obube bukakase amazima agali mu ebyo bye boogera.

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 45:18

Musengwa Katonda yatonda eigulu, era oyo ni Katonda. Yaawumba ensi yaagikola, yaagitaagho yaaba ngumu begulugulu. Tiyagitondera kubaagho nga ntabangufutabangufu, yagitaagho nga ya kubangamu bantu. Era akoba ati: “Ninze Musengwa Katonda zenka, ezirayo Katonda wundi naire.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 45:5

Ninze Musengwa Katonda zenka, ezirayo Katonda wundi naire. Ndikugha amaani ge weetaaga, waire nga iwe tondidhi.

Isaia 48:14

Mwidhe mwenamwena mwesolokeze ghalala, muwulire. Naani ku bakatonda boonaboona eyaali alanzeeku ati nze nonze omuntu ye nhenda, aja okulumba Babiloni asobole okukikolaku nga nze bwe nhenda?

Isaia 48:3

Musengwa Katonda oyo akoba Isiraeli ati: “Okuva eira n'eira, nze nabakoberanga ebiribaagho, era mwene nze naamalanga naabireetera okubaagho amangu geene, byatuukiriranga.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 63:1

“Naani oyo ali kuviira mu kibuga Bozira eky'omu nsi Edomu ng'ali mu ngoye edh'erangi ya kasaayisaayi? Naani oyo ali kutoonha mu bivaalo bye eby'ebitiibwa, ali kukumba n'obukumu n'amaani atyo?” “Ninze Musengwa Katonda ali n'obuyinza obw'okulokola, era ndi kwidha okulangirira obughanguzi bwange.”

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Zefania 3:17

Musengwa Katonda waimwe, ali mu imwe. Oyo n'omulwanirizi abagha obughanguzi. Ku lwaimwe aidha kusagambanga n'eisanhu era olw'okugonza kwe aidha kubagha obulamu obuyaaka. Aidha kwembanga okwoleka nga bw'abasangaaliire,

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Zekaria 14:7

Era teribaayo nzikiiza. Bulibanga musana ekiseera kyonakyona. Ni mu kiseera eky'obwire, ghalibangagho butangaavu ng'oti musana. Aye Musengwa Katonda yenka naidhi ekiseera ekyo ghe kiribeeragho.

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’