Isaia 45:18 - Baibuli Ekibono kya Katonda 2014

¹⁸ Musengwa Katonda yatonda eigulu, era oyo ni Katonda. Yaawumba ensi yaagikola, yaagitaagho yaaba ngumu begulugulu. Tiyagitondera kubaagho nga ntabangufutabangufu, yagitaagho nga ya kubangamu bantu. Era akoba ati: “Ninze Musengwa Katonda zenka, ezirayo Katonda wundi naire.

Isaia 45:18 ပူးပေါင်းရင်းမြစ်များ

Amainhama 1:1

Mu kwinhama Katonda yatonda eigulu n'ensi.

Amainhama 1:2

Ensi yali ndhereere era nga ntabuletabule enzikiiza yali egemye ku nhandha, era ng'omwoyo gwa Katonda gumaamiire amaadhi.

Amainhama 1:26

Agho Katonda yaakoba ati: “Tukole abantu mu mboneka yaife nga bafaanana ng'oti niife, bafugenga ebyenhandha, n'enhonhi, n'ensolo enfuge n'edh'omu nsiko, era na kiisi kyeghaluliza ku itaka.”

Amainhama 1:28

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

Amainhama 9:1

Katonda yaagha Noa n'abaana be enkabi, yaabakoba ati: “Muzaale, mwale, mwidhuze ensi.

Zabbuli 115:16

Musengwa Katonda ni mwene igulu, aye ensi yagigha abantu.

Ensambo 30:4

Naani eyaali aniinieku mu igulu, n'aniinukayo n'aika ku nsi? Naani eyaali asoloizaaku empewo n'agigemera mu ngalo dhe? Naani eyaali azingiireku amaadhi mu kivaalo kye? Naani eyataagho ensalosalo ensi kw'ekoma? Eriina lye naani, era mutabane naani, bw'oba ng'oidhi?

Isaia 42:5

Musengwa Katonda n'eyatonda eigulu yaalibambagho, era yaayandhagho ensi yaagitaamu n'ebigirimu byonabyona. Abantu ababa mu nsi eyo ni bagitambuliramu, yabataamu omuuka gwe bagheera n'omwoyo ogw'obulamu. Era Musengwa Katonda oyo akoba omugheereza we ati:

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:12

Ninze natonda ensi, naatonda n'abantu abagibaamu. Nakozesa obuyinza bwange, naabamba eigulu, era ninze nfuga n'ebiri ghaigulu mu ibbanga byonabyona.

Isaia 48:13

Ninze mwene eyataagho omusingi gw'ensi, era nze mwene naabambagho eigulu; bwe mbyeta bivugira era byaidha mangu.

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Yeremia 10:12

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabamba eigulu n'okutegeera kwe.

Yeremia 51:15

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabambagho eigulu.