Isaia 45:14 - Baibuli Ekibono kya Katonda 2014

¹⁴ Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 45:14 ပူးပေါင်းရင်းမြစ်များ

Amainhama 27:29

Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

2 Samueli 21:20

Kabiri era ghaabaayo olutalo e Gathi omwali omusaadha omukologho ng'ali n'engalo mukaaga ku buli mukono, n'obugere mukaaga ku buli kigere byonabyona aghalala amakumi abiri na bina. Yeena yali wa ku lulyo olw'abantu abawaigufu.

Yobu 1:15

abanhazi Abasabea baadhigwaku, baadhinhaga. Baita abagheereza bo boonaboona; era nze zenka ninze mponiegho okwidha okukukobera.”

Yobu 11:19

Oidha kutendukanga nga ghazira akutiisa; abantu kamaala baidha kukusabanga obuyambi.

Zabbuli 149:6

Basaake Katonda nga baleekaanira ghaigulu, bageme n'empiima nga buli ndala eri n'obwogi ku ndhuyi dhaayo dhombi,

Zabbuli 149:8

Basibe bakyabazinga abamaghanga ago n'endhegere, n'abakungu baago babasibe n'empingu,

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Isaia 10:33

Bona eno, Musengwa Katonda Afuga Amagye alibaghanulayo ng'oti n'olusaga olutemeibwa ku muti ni lugwa. Abaleeyi abaawaiguka alibasuula ghansi, n'abeetwala okuba aba ghaigulu yaabaisa.

Isaia 18:1

Eruuyi ere ng'osomoike emiiga gy'e Ethiopia, eriyo ensi ewulirwamu okuziinhuuka ng'oti kwa maghagha ga nhonhi.

Isaia 18:7

Abantu abo abaleeyi ab'emibiri emighegheevu, abatiibwa ensi yoonayoona era beene nsi emiiga ye gyayawulamu, eighanga eryo ery'amaani era eighanguzi, ekiseera kiidha kutuuka baleetere Musengwa Katonda Afuga Amagye ebirabo, mu kifo kye bamusinzizaamu ku lusozi Sioni.

Isaia 19:21

Ku lunaku olwo Musengwa Katonda alyeyoleka mu Bamisiri, baamumanha, baamusinza nga baghaayo emisengo n'ebigheebwayo ebyokebwa. Balyeyama y'ali era baatuukiriza bye beeyamye.

Isaia 19:22

Musengwa Katonda alibonereza Abamisiri, aye ate b'abonereiza alimala yaabawonia. Balikyukira y'ali baamusaba, era yaawulira okusaba kwaibwe yaabawonia.

Isaia 23:18

Ebirivanga mu kusuubula kwakyo, balibighangayo byaba bya Musengwa Katonda. Abantu abasinza Musengwa Katonda balibikozesanga okugula emere n'engoye bye beetaaga, mu kifo ky'okubitereka ni byebunga obwa agho.

Isaia 43:3

kuba ninze Musengwa Katonda wo, Omutukuvu wa Isiraeli era Omulokozi wo. Ndighaayo Misiri olw'okukununula, era naaghaayo Ethiopia ni Seba olw'okukuwonia.

Isaia 44:8

Mutatya era mutawaamu maani. Mukiidhi bukalamu ng'okuva eira n'eira n'okutuusa ye buli eno, mbairenga mbakobera ebiribaagho. Era niimwe abadhulizi bange. Ate eriyo ekyetebwa katonda okutoolaku nze? Ninze zenka ali ng'oti n'olubaale mwe mwewogoma, ezirayo wundi ye ndidhi.”

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 54:3

Oligaziya ensalosalo edh'ekiketezo kyo dhaaja ku ndhuyi dhoonadhoona edh'ensi. Abantu bo balitwala ebiketezo eby'abamaghanga agandi, era baliidhula mu bibuga ebyali birekeibwa obwagho.

Isaia 55:5

Ekiseera kirituuka mwayeta amaghanga ge mutaidhiiku naire, gaalumuka gaidha ye muli waire nga goona imwe tigabaidhi. Nze Musengwa Katonda waimwe, Omutukuvu wa Isiraeli, ninze ndireetera ekyo okubaagho, olw'okubagheesa imwe ekitiisa.”

Isaia 60:3

Amaghanga galiidha eri obutangaavu bwo, ni bakyabazinga baidha eri okumesunkana kwo.

Isaia 61:9

Abaana baibwe balimanhikana mu maghanga, n'abaidhukulu baibwe baaba bamanhifu mu bantu boonaboona. Buli muntu anaababonanga alimanha ng'abo n'abantu, nze Musengwa Katonda be mpaire enkabi.”

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Ezekieli 23:42

Olwo ng'owulira amamiro ag'abantu abangi abali mu idembe lyaibwe. Era ghaabaagho n'ebisaadhasaadha ebitamiivu, ebireetebwa okuva eyo mu irungu. Byata obukomo ku mikono gy'abakazi abo, era byata engule edhiboneka obulungi, ku mitwe gyaibwe.

Ezekieli 31:3

Bona eno, ndidha kubageza ku muti omuvule mu kibira e Lebanoni. Oguli n'ensaga enungi edhikola ekinsense ekizibirivu, era omuleeyiriri, ng'obusanso bw'ensaga dhaagwo butuuka ni mu bire.

Yoeli 3:8

Ndidha kuleetera batabane baimwe ni baghala baimwe okutundibwa mu Bayudaaya. Ate boona bamale babaguze Abasabea, eighanga eriri eyo eghala einho. Nze Musengwa Katonda, ninze nkobye.

Okubala 13:32

Kale baaleetera Abaisiraeli amawulire ag'obulimba agagema ku nsi ye baaja okukeeta, nga bakoba bati: “Ensi ye twaja okukeeta tebaza mere emala kuliisa bantu baamu. Abantu be twabonayo boonaboona baleeyi inho.

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

1 Ab'e Thessalonika 1:9

kuba abantu abo beene bwe baba batughayaku bakoba nga bwe mwatusangaalira einho bwe twali mu imwe. Era nga bwe mwakyuka okuva ku bisinzibwa ebitali Katonda ni mwira ku kugheereza Katonda mwene omulamu.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.