Isaia 45:1 - Baibuli Ekibono kya Katonda 2014

¹ Musengwa Katonda yalonda kyabazinga Kuro, yaamutuma okughangula amaghanga, n'okutoola ku bakyabazinga obukumu. Musengwa Katonda alimwiguliragho emiryango gy'ebibuga, ghaaloba kubaagho agiigalagho. Musengwa Katonda akoba Kuro oyo ati:

Isaia 45:1 ပူးပေါင်းရင်းမြစ်များ

1 Bakyabazinga 19:15

Musengwa Katonda yaamukoba ati: “Irayo mu irungu ery'e Damasiko. Bw'onaatuukayo, oidha kusiiga Hazaeli omuzigo afuuke kyabazinga wa Siria,

Ezera 1:1

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, nga kighandiikiibwa kiti:

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Yobu 12:21

“Aleetera abakungu okunhoomebwa, ab'obukumu yaabamala amaani.

Zabbuli 73:23

Aye nga kwo okuba, nze ndi n'iwe buliidho era ongemereire n'omukono gwo.

Isaia 13:2

“Mughanike bendera ey'olutalo ku lusozi oluziraku isubi naire. Mukaabuke mwete abaisirukale, mubaghemye n'emikono baje ku miryango gy'ekibuga ekirimu abakungu, bakirumbe bakingire.

Isaia 13:3

Nze Musengwa Katonda mwene ninze ndagiire abalonde bange, abalwani bange abo ab'amaani mbeese okubonereza abo be nsungughaliire.”

Isaia 41:13

Nze Musengwa Katonda wo ninze nkugha amaani, era ninze ndi kukukoba nti, ‘Otatya, ndidha kuyamba.’

Isaia 41:2

Naani eyasiikuula omuntu oyo ow'e buvandhuba n'amuleetera okwidha, aje ng'aghangula buli gh'atuuka woonawoona? Naani amuleetera okughangula amaghanga, naatyankirira bakyabazinga n'ebigere bye n'abaitisa empiima ye, n'abafuuta ni baba ng'oti bwa nkungu, era n'abasansaania n'obusaale bwe ni baba ng'oti n'eisubi eikalu empewo ly'efuuwa n'eritwaliriza?

Isaia 41:25

Nasiikuula omuntu ava ku luuyi olw'omukono omugooda olw'e buvandhuba, era wuuyo atuuse. Alikozesa eriina lyange, yaatyankirira abafuzi ng'oti bityanka yaaba ng'oti n'omuwumbi bw'asamba eitosi.

Isaia 42:6

“Nze Musengwa Katonda nakweta oleetere abantu okukolerwanga eby'amazima ebibagwaniire. Nakugema ku mukono naakukuuma. Era ndibita mu iwe naakola endagaano n'abantu boonaboona, era naaleetera amaghanga goonagoona obutangaavu.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Isaia 45:5

Ninze Musengwa Katonda zenka, ezirayo Katonda wundi naire. Ndikugha amaani ge weetaaga, waire nga iwe tondidhi.

Isaia 48:15

Nze mwene, ninze nayogera era ninze namweta. Naamulagira okuja, era olugendo lwe naalugha enkabi.

Yeremia 27:6

Era mperaano ninze mpaire omugheereza wange, kyabazinga Nebukadinezzari ow'e Babilonia, okufuga amaghanga gano goonagoona. Era naamugha n'ensolo edh'omu nsiko dhoona dhimugheereze.

Yeremia 43:10

Memale obakobe oti nze Musengwa Katonda Afuga Amagye, Katonda wa Isiraeli, ndyetesa ghano omugheereza wange Nebukadinezzari kyabazinga ow'e Babilonia. Yaidha yaata ekityamo kye eky'obwakyabazinga ghano ku mabaale gano ge nziise, era yaagasimbaku ni weema ye ey'obwakyabazinga.

Yeremia 50:3

“Eighanga liviire ku luuyi olw'omukono omugooda olw'e buvandhuba, lyalumba ensi Babilonia era lija kugireetera okufuuka eirungu. Abantu n'ensolo baja kugirumukamu, ghabulegho omuntu agibaamu waire omulala ati.”

Yeremia 50:35

Musengwa Katonda akoba ati: “Abantu b'omu kibuga Babiloni ka bafe, n'abantu b'omu nsi Babilonia yoonayoona ka bafe, ghalala n'abakungu baibwe, n'abantu baibwe abagezi.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:30

Abalwani Abababilonia ab'amaani baleseeyo okulwana, baasigala bwa mu bifo byaibwe eby'okwewogomamu. Amaani gabawoiremu, baafuuka banafu inho. Emiryango egy'ekibuga abazigu bagimenhiegho, n'endhu dhoonadhoona baadhikunaaniaku omuliro.

Yeremia 51:58

Ekimante eky'oku kibuga Babiloni ekikologho balikigwisa ghansi, n'emiryango gyakyo emireeyiriri baligyokya omuliro. Emirimo abantu gye baakolanga gyabadaakiza bwereere, n'amaghanga bye gaakola bya kwokebwa muliro. Nze Musengwa Katonda Afuga Amagye, ninze nkobye.”

Ezekieli 29:20

Mmughaire ensi Misiri okumusasula olw'okufaabiikana kwe, kuba eigye lye lyakolera nze. Nze Musengwa Katonda ninze nkobye.”

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Danieli 7:5

Kabiri naja okulinga nti nga mbona ekisolo ekyokubiri ekikambwe. Kyali kisitwikeku oluuyi olundi aye ng'olundi luli ku itaka. Era nga kiri n'embavu isatu mukanwa dhe kigemereire n'amaino gaakyo. Baakikoba bati: “Situka olye emamba nhingi.”

Danieli 8:3

Okuja okulinga nti, nga mbona entaama enume eyemereire ku mbali okw'omwiga. Yaliku amayiga abiri nga gombi maleeyi, aye nga erindi ireeyi ku okusingaku liinaalyo. Era eryo eireeyi okusingaku liinaalyo n'eryasembayo okumera.

Danieli 8:4

Naabona entaama eyo ng'eri kulumba yaafula mu biketezo eby'oku luuyi olw'e bugwandhuba, ni mu by'oku luuyi olw'omukono omugooda olw'e buvandhuba, ni mu by'oku luuyi olw'omukono omusaadha olw'e buvandhuba. Ghaabulagho ensolo yoonayoona eyasobola okugirwanisa, waire okubaagho asobola okugirekuza ekintu ekiri mu buyinza bwayo. Nga buli ky'eyenda ky'ekola, era nga yeekudumbazakudumbaza.

Nahumu 2:6

Endhigi edh'oku mwiga dhiigwike, abantu ab'omu kisaagaati kya kyabazinga baidhula okutya.

Nahumu 3:13

Bona eno, abalwani bo bafuuse ng'oti n'abakazi abataidhi bya kulwana. Engira edhingira mu nsi yo ndhigule, abazigu baingira nga bwe benda. Emiti gye badhikiikamu giidha kuya omuliro.