Isaia 44:25 - Baibuli Ekibono kya Katonda 2014

²⁵ Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Isaia 44:25 ပူးပေါင်းရင်းမြစ်များ

2 Samueli 15:31

Agho ghaabaagho abaakobera Daudi bati: “Ahithofeli ali mu abo abakudheemeire abali ni Abusalomu.” Daudi bwe baamukobera, yaasaba ati: “Wo Musengwa Katonda, nkweghembye fafaagania amagezi Ahithofeli g'anaagha Abusalomu, gafuukemu busiru.”

2 Samueli 16:23

Mu biseera ebyo amagezi goonagoona Ahithofeli ge yaghanga ng'abantu bagatwala ng'oti n'ole ge yeebuuziiza ku Katonda. Daudi ni Abusalomu boona batyo bwe baagatwalanga okuba.

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

1 Bakyabazinga 22:37

Mu nsambo eyo kyabazinga Ahabu yaafa, baamuleeta e Samaria baamuziika.

2 Ebyomubyanda 18:11

N'abalanzi abandi boonaboona baalanga batyo, nga bakoba bati: “Ja olumbe Ramothi eky'e Gileadi, oidha kukighangula. Musengwa Katonda aidha kukikugha okighangule.”

2 Ebyomubyanda 18:34

Olutalo lwataama inho ku lunaku olwo. Kyabazinga wa Isiraeli baamugemerera bugemerere mu kigaali kye eky'omu lutalo okwolekera Abasiria. Yaamala yaafa eigulo eryo, ng'endhuba eri kugwa.

Zabbuli 33:10

Amaghanga bwe geekobaana, Musengwa Katonda yaagalemya; abantu bwe bategeka ebyaibwe Musengwa Katonda abitabulatabula.

Okuvaayo 9:11

Abalogo ku luno tibaasobola kwegeza mu Musa, kuba boona baali baidhwire amabuubuuto ng'oti n'Abamisiri abandi boonaboona.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Yeremia 50:36

Abalanzi baayo abaguya ka basirughale bafe, n'abalwani baayo ab'amaani ka bafe, bazikirire!

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Mika 3:7

Abo abalengera ebiri mu maiso n'abalaguzi boonaboona baja kuswazibwa olw'okulemwa okukoba ebituufu. Baja kwegema mu maiso nga baswaire olwa Katonda okubasiriikirira.

Zekaria 10:2

Abantu beebuuza ku misambwa, ni ku balaguzi, ni ku bavuunuzi b'ebirooto, aye bye babairamu bya buguya byereere era bizira kye bibayamba naire. Kale ekyo kyaleetera abantu okutambulatambula eyo batyo ng'oti ntaama edhibuze. Olwo baadaazibwadaazibwa olw'okubulwa omukulembeze.

Okubala 23:23

Ghazira irogo lisobola kulumya ba Yakobo, ghazira kulagula kusobola kutuusa kabi ku Baisiraeli abo. Okutoolaku abantu baidhanga kwogera ku Baisiraeli abo, bati, ‘Katonda ng'abakoleire eby'amaani!’