Isaia 44:23 - Baibuli Ekibono kya Katonda 2014

²³ Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 44:23 ပူးပေါင်းရင်းမြစ်များ

1 Ebyomubyanda 16:31

Eigulu ka lisangaale n'ensi esagambe, era abantu bakobe mu nsi dhoonadhoona bati: “Musengwa Katonda ni kyabazinga!”

1 Ebyomubyanda 16:32

Enhandha k'ewolomboke n'ebigirimu byonabyona olw'eisanhu. Enimiro n'ebidhirimu byonabyona bisangaale.

1 Ebyomubyanda 16:33

Memale olwo emiti gyonagyona egy'omu kibira gyembe n'eisanhu mu maiso ga Musengwa Katonda, kuba ali kwidha okusalira ensi omusango.

Zabbuli 148:7

Musaake Musengwa Katonda mwenamwena abali mu nsi, imwe mwenamwena agasota ag'omu maadhi ni byonabyona ebiri ku ntobo y'enhandha.

Zabbuli 148:9

Mumusaake imwe ensozi n'obusozi mwenamwena, imwe emiti egy'ebibala n'emiti egy'omu nsiko;

Zabbuli 65:13

Ebifo ebyayirwamu biidhwire byayo; ebiiko biidhwire misiri gya mere, nga byonabyona byemba era nga bwe bikuba emizira.

Zabbuli 69:34

Imwe eigulu n'ensi, n'enhandha ni byonabyona ebirimu, musaake Katonda.

Zabbuli 69:35

Katonda aliwonia Sioni abazigu, yairamu okuzimba ebibuga bya Yuda, abantu be baabityamangamu nga byaibwe ku bwaibwe.

Zabbuli 89:13

Oli wa buyinza bungi, oli wa maani inho atatuukikaku.

Okuvaayo 18:9

Yethuro yaasagamba olw'ebirungi byonabyona Musengwa Katonda bye yakolera Abaisiraeli okubatoola mu ngalo edh'Abamisiri.

Isaia 12:5

Mwembe nga musaaka Musengwa Katonda olw'eby'amaani by'akoze, mubimanhise ensi yoonayoona.

Isaia 26:15

Wo Musengwa Katonda, oleeteire eighanga lyaife okweyongeraku obunene, waagaziya ensalosalo dhaalyo dhoonadhoona, era ekyo kyayongera okukugheesa ekitiisa.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Isaia 46:13

Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Isaia 49:3

Era yankoba ati: “Isiraeli, n'iwe omugheereza wange ye ndyolekeramu ekitiisa kyange.”

Isaia 52:9

Imwe ebifo bya Yerusalemu ebyayonoonebwa, mutimbuke mwembe enhembo; kuba Musengwa Katonda agumiiza abantu be, yaanunula Yerusalemu.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Yeremia 31:11

Nnunwire Abaisiraeli, naabawonia eighanga ery'amaani.

Yeremia 51:48

Ebintu byonabyona ebiri ku nsi n'ebiri ku igulu, biryemba olw'eisanhu nga Babilonia egwire mu ngalo dh'abo abazikiriza, abaliva ku luuyi olw'omukono omugooda olw'e buvandhuba okwidha okugizikiriza.

Ezekieli 35:14

Kale Musengwa Katonda oyo kyava akoba ati: “Ndikuleetera okusigala agho otyo ng'oli bifulukwa byereere. Olwo ensi yoonayoona yaasagamba,

Ezekieli 36:1

Agho Musengwa Katonda yaayogera ninze, yankoba ati: “Iwe omuntu, langa eri ensozi edh'omu Isiraeli, odhikobe dhiwulirise bino

Ezekieli 36:8

Aye imwe ensozi edh'omu Isiraeli, mulimeraku emiti, gyataaku n'ebibala, ku lw'abantu bange Abaisiraeli abali kumpi okwira eka.

Ezekieli 39:13

Abantu b'omu Isiraeli boonaboona balibeeraganwa baaziika emirambo egyo, era ekyo kiribaleetera okuteebwamu ekinhagansi, ku lunaku lwe ndyoleka ekitiisa kyange. Nze Musengwa Katonda ninze nkobye.

Ab'Efeso 3:21

agheebwe ekitiisa mu Kikunsu ky'Abaikiriza mu Kurisito, ni mu Kurisito Yesu, ni mu nse dhoonadhoona, ebyanda n'ebyanda. Amiina.

Ab'Efeso 4:9

Okukoba tuti, “yaniina”, kitegeeza ki? Kitegeeza kiti yasooka kwika ghansi mu nsi.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

Okwolekebwa 12:12

Kale ni musagambe, imwe mwenamwena abali mu igulu. Aye mukagwireku imwe ensi n'enhandha! Kuba Sitaani aise ye muli n'obusungu obutakobekaku, ng'aidhi ati ali n'akaseera katono.”

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”