Isaia 44:13 - Baibuli Ekibono kya Katonda 2014

¹³ Ate omubaadhi apima omuti n'olukoba, yaagulambaku n'ekalaamu. Yaagulanda n'eranda, era yaagulambaku n'ekyuma ekipima, yaagukolamu ekifaananie ekirungi kyene ekiri ng'oti muntu, eky'okuteebwa mu isabo.

Isaia 44:13 ပူးပေါင်းရင်းမြစ်များ

Amainhama 31:19

Labani yali ng'ajiire okusala ku ntaama obuviiri, Rakeli yaiba emisambwa gya ise egy'omu maka.

Amainhama 31:30

Ndidhi nti wayendanga inho okuja, kuba ng'olumirwa inho endhu ya lata wo. Aye lwaki waiba emisambwa gyange egy'omu maka?”

Amainhama 31:32

Aye omuntu yeenayeena y'onaayagaana n'emisambwa gyo, aidha kwitibwa. Mpegaano ni, nga n'aboluganda lwaife bali kubona, yawulamu buli kikyo kye ndi nakyo okitwale.” Yakobo yali taidhi nga Rakeli yaiba emisambwa gya Labani.

Amainhama 35:2

Agho Yakobo yaakoba ab'omu ndhu ye, n'abo boonaboona abaali naye ati: “Musuule ere emisambwa egy'abamaghanga agandi gye muli nagyo mwetukuze, mukyuse ebivaalo, muvaale ebitukula.

Isaia 41:7

Omubaadhi ow'ekisinzibwa ekitali Katonda agumya omugheesi ow'ebintu bya zaabu. N'ole akonta ekisinzibwa ekyo n'enhundo okukisaania obukalamu, agumya ole akonta ekyuma ekisu nga kyengereire n'omuliro, bombi baakoba ole ayokya n'eisasi bati, ‘Kye tukoze n'ekyo kyene!’ Olwo baakikomerera n'emisumaali kirobe kuseseetuka mu kifo kyakyo.

Isaia 44:14

Asobola okutema omuvule mu kibira yaakozesa ogwo, oba yaakozesa omusipuressi, oba omuti omukologho ogundi. Oba yaasimba omuti ogundi, amaadhi gaagwa gaagukuza.

Ezekieli 8:10

Kale naingira, naabona ng'ebimante byonabyona baabitonatona n'ebifaananie eby'ebitonde ebyeghaluliza ku itaka ebya buli nsambo, n'eby'ensolo edhitali nongoofu, n'eby'ebintu ebindi Abaisiraeli bye baasinzanga.

Ezekieli 8:11

Era naabona abandi ku bakulembeze ab'eighanga lya Isiraeli nsanvu nga beemereire omwo, nga n'omuli ni Yaazania mutabane wa Shafani. Buli mulala yali agemye ekiniokezebwamu obubbaani, era ng'ebiniokezebwamu obubbaani ebyo birikuvaaku omwosi gwaja ghaigulu.

Ezekieli 8:12

Katonda yankoba ati: “Iwe omuntu, oboine abakulembeze ab'eighanga lya Isiraeli bye bali kukola mu nzikiiza? Buli muntu ali kusinziza mu kisenge omuli ebifaananie. Bakoba bati, ‘Musengwa Katonda tatubona, era yalekulira agho ensi yaife.’ ”

Ebikolwa by'Abatume 17:29

Agho ni nga bwe tuli eizaire lya Katonda, titugwaine kudhuuba tuti Katonda afaanana ebintu ebikolebwa mu zaabu, oba mu feeza, oba mu mabaale, mu magezi ni mu kutetenkania kw'abantu.

Ab'e Roma 1:23

Mu kifo eky'okusinza Katonda atawaagho, basinza ebifaananie eby'abantu obuntu, oba eby'enhonhi, oba eby'ensolo, oba ebyekulula.

Amateeka Agokubiri 27:15

‘Omuntu yeenayeena anaakolanga ekifaananie ekibaadhe, oba ekisaanuusiibwa mu kyuma, memale n'akitaagho n'akisinza, akolimirwenga! Kuba okusinza ebitali Katonda kiba ekyenhinhalwa ye Musengwa Katonda.’ Olwo abantu boonaboona baliiramu bati, ‘Amiina.’

Amateeka Agokubiri 4:28

Eyo ye mulisinziza ebintu ebitali Katonda ebyakolebwa abantu obuntu mu miti ni mu mabaale ebitabona waire okuwulira, era ebitalya waire okuwunhiza.

Abalamuzi 18:24

Mika yairamu ati: “Muntoireku emisambwa gyange gye nakola, mwantoolaku ni kabona wange, mwatwala. Kiki kye nsigaizaagho? Olwo nga mumbuuza muti, ‘Kiki ekikutuuseeku?’ ”