Isaia 44:12 - Baibuli Ekibono kya Katonda 2014

¹² Omugheesi bw'aba ali kugheesa ekifaananie ekisinzibwa, atoola ekyuma yaakifuguta mu manda ag'omuliro, yaagema enhundo mu ngalo dhe edh'amaani yaakikonta okukitereeza. Bweyeeyongera okuja ng'akola atyo, endhala emuluma, yaakoogha, era bw'atanhwa ku maadhi awaamu amaani.

Isaia 44:12 ပူးပေါင်းရင်းမြစ်များ

Okuvaayo 32:4

Aaroni yaadhitoola, yaadhisaanuusa, era yaakozesa akatiba yaabakoleramu ekifaananie eky'ente ento enume. Agho baakoba bati: “Isiraeli, ono ni katonda wo eyakutoola mu Misiri!”

Okuvaayo 32:8

Amangu gano baviire ku biragiro bye nabagha. Baasaanuusiiza zaabu, beekolera ekifaananie eky'ente ento enume era baakisinza, baakigha omusengo nga bakoba mbu, ‘Isiraeli, ono ni katonda wo eyakutoola mu Misiri!’

Isaia 40:19

Tali ng'oti n'ekisinzibwa ekitali Katonda omukozi ky'ayiiya obuyiiye, ate omugheesi w'ebintu bya zaabu n'akirimbyaku zaabu, era n'akitaaku ebintu ebiri ng'oti ndhegere dha feeza.

Isaia 40:20

Aye omwavu atasobola kukozesa zaabu oba feeza, alondagho yaakozesa omuti ogutavunda. Yaanoonia omubaadhi omukugu, yaagukolamu ekifaananie ekitaatengeesebwe ni kigwa.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

Habakkuku 2:18

Muganhulo ki oguli mu musambwa omuntu gw'abaadha oba n'agukola mu kyuma ekisaanuuse? Omusambwa ogwo gwegeresa buguya bwereere. Omuntu afuna ki mu kwesiga ekintu ky'akoze mwene n'akyeta katonda, ekintu ekitaghanga na kwogera?

Zekaria 1:20

Agho Musengwa Katonda yandholeka abagheesi bana.

Amateeka Agokubiri 4:28

Eyo ye mulisinziza ebintu ebitali Katonda ebyakolebwa abantu obuntu mu miti ni mu mabaale ebitabona waire okuwulira, era ebitalya waire okuwunhiza.