Isaia 44:1 - Baibuli Ekibono kya Katonda 2014

¹ Musengwa Katonda akoba ati: “Mpegaano muwulire imwe baidhukulu ba Yakobo omugheereza wange, imwe Abaisiraeli be nalondamu.

Isaia 44:1 ပူးပေါင်းရင်းမြစ်များ

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Zabbuli 105:6

imwe abaana ba Aburahamu omugheereza we era baidhukulu ba Yakobo ye yeerondera.

Zabbuli 136:22

Yaaligha Abaisiraeli abagheereza be ng'omugabo; okugonza kwe tikukoma, kubaagho byanda na byanda.

Isaia 14:1

Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.

Isaia 41:8

Aye iwe eighanga Isiraeli, oli mugheereza wange, oli mwidhukulu wa Yakobo, era niiwe ye nalondamu, iwe eizaire lya Aburahamu mukagwa wange.

Isaia 41:9

Nakutoola eyo ensi y'ekanga, naakweta okuva eyo mu nsonda dhaayo edhisinga kuba dha ghala. Naakukoba nti, ‘Niiwe omugheereza wange.’ Nakulondamu era tikuzirangaku.

Isaia 42:23

Naani ku imwe anaawulirisa ekyo? Naani aneetegereza n'amanha ebinaabaagho ye bwidha?

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 44:21

Musengwa Katonda akoba ati: “Iwe Yakobo idhukiranga ebintu ebyo, kuba oli mugheereza wange iwe Isiraeli. Nakutonda obe mugheereza wange, era tirikwerabira naire.

Isaia 45:4

Nkwese eriina lyo obe wange, oyambe omugheereza wange Yakobo, era nga oyo ni Isiraeli ye nalondamu. Nkughaire ekitiibwa eky'okwetebwa owange, waire nga iwe tondhidhi.

Isaia 48:12

Musengwa Katonda akoba ati: Imwe Abaisiraeli be nayeta, baidhukulu ba Yakobo mumpulirise. Ninze Katonda eyaligho ku ntoolo, era ninze ndibaagho ku nkomerero.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 4:7

Azikiriza amaghanga aviireyo, aviireyo ng'oti mpologoma eva mu kisaka kyayo. Aidhie okufafaagania ensi yaimwe; ebibuga byaimwe biidha kufuuka bifulukwa byereere, nga biziramu bantu babibaamu.

Luka 13:34

“Yerusalemu, Yerusalemu iwe oita abalanzi n'abakwenda abakugheerezebwa n'obakuba amabaale! Ng'emikuzi kamaala neegomba okusoloza abaana bo aghalala ng'enkoko bw'ekola, aye nga toganha!