Isaia 43:9 - Baibuli Ekibono kya Katonda 2014

⁹ Mwete abantu abamaghanga goonagoona beesololeze ghalala. Naani ku bakatonda baibwe asobola okulanga ebiribaagho, n'atukobera n'ebyaligho eira? Baleete obudhulizi bwaibwe obukakasa nga batuufu, era obudhulizi obwo n'obube bukakase amazima agali mu ebyo bye boogera.

Isaia 43:9 ပူးပေါင်းရင်းမြစ်များ

Zabbuli 50:1

Musengwa Katonda Aghanga Ebintu Byonabyona, ayogera ng'ayeta abantu boonaboona okuva endhuba y'eva okutuuka y'egwa.

Isaia 34:1

Imwe abantu ab'amaghanga goonagoona museete kumpi. Abantu mwenamwena mutege amatu muwulire. Iwe ensi idha owulirise, ghalala n'ebikulimu byonabyona.

Isaia 41:1

Katonda akoba ati: “Musirike imwe ab'omu biketezo eby'oku nhandha, muwulirise kye nkoba. Abantu abamaghanga ka bairemu amaani buyaaka, baseete beewozeeku. Ka baseete tube ghalala omusango gusalwe.

Isaia 43:26

Mwidhukire eby'eira era tunoonereze ensonga. Mughe empoza yaimwe mwoleke nga bwe muli abatuufu.

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Isaia 48:14

Mwidhe mwenamwena mwesolokeze ghalala, muwulire. Naani ku bakatonda boonaboona eyaali alanzeeku ati nze nonze omuntu ye nhenda, aja okulumba Babiloni asobole okukikolaku nga nze bwe nhenda?

Isaia 48:3

Musengwa Katonda oyo akoba Isiraeli ati: “Okuva eira n'eira, nze nabakoberanga ebiribaagho, era mwene nze naamalanga naabireetera okubaagho amangu geene, byatuukiriranga.

Yoeli 3:11

Mwanguye mwidhe, imwe abamaghanga goonagoona ageezungulwire agho, mukole mwesololeze eyo mu kiiko.’ ” Wo Musengwa Katonda, leeta abalwani bo ab'amaani.