Isaia 43:7 - Baibuli Ekibono kya Katonda 2014

⁷ Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Isaia 43:7 ပူးပေါင်းရင်းမြစ်များ

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Isaia 29:23

Bwe mulibona ku ebyo bye ndibakolera, ni mubona ku baana be ndibagha, muligulumiza eriina lyange, mwayatula nga bwendi Omutukuvu wa Yakobo, era mwantaamu ekitiisa nze Katonda wa Isiraeli.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 43:21

Abo n'abantu bange, nze mwene be neeteeragho, bansaakenga.”

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 46:13

Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”

Isaia 48:11

Kale bye nkola byonabyona, mbikola lwa bulungi bwange nze, ndobe kuleka liina lyange kuswazibwa, oba okuleka ekitiisa kyange owundi okukigabanaku.”

Isaia 56:5

ndireetera eriina lye okwidhukirwanga buliidho mu isinzizo lyange ni mu bantu bange aghazira kwerabirwa naire, okusinga bwe yandibaire azaire abaana abalenzi n'abaghala.”

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 63:19

Twafuuka ng'oti n'abantu b'otafugangaku, abatabangaku babo naire.

Yeremia 14:9

Lwaki oba ng'omuntu asobeirwa, era n'oba ng'omulwani ow'amaani aye atasobola kutuwonia naire? Ate nga bwenebwene iwe Musengwa oli mu ife. Ife tuli bantu bo, otatulekulira agho.’ ”

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Danieli 9:18

Wo Katonda wange, tega kutu owulire, era ozibule amaiso obone nga ife bwetulekeibwa obwagho tutyo, n'ekibuga ekyetebwa ekikyo bwe kisigaire obwagho kityo. Tituli kukusaba lwa kuba twakola ebituufu, aye lwa kuba iwe oli n'okusaasira kungi inho.

Danieli 9:19

Wo Musengwa Katonda, ganha owulire. Wo Musengwa, ganha osonighe. Wo Musengwa Katonda, taayo inho omwoyo okoleregho. Otalwa naire. Tubeere olw'ekitiisa kyo, kuba ekibuga kino kikyo, n'abantu bano babo.”

Amosi 9:12

Olwo Abaisiraeli baghangule ebiketezo by'ensi Edomu ebisigairegho, ghalala n'amaghanga agandi goonagoona agaali gamanhiibwa nga gange, nga gafugibwa Baisiraeli.” Atyo Musengwa Katonda bw'akoba, aja okutuukiriza ekyo.

Yoanne 15:8

Bwe mwama einho muba beegeresebwa bange era mwoleka ekitiisa kya Lata wange.

Ebikolwa by'Abatume 11:26

Bwe yamubona yaamuleeta mu Antiokia, baamala omwaka mulamba nga bali n'Ekikunsu ky'Abaikiriza mu Kurisito era baayegeresa abantu kamaala inho. Mu Antiokia abeegeresebwa ye baasookera okwetebwa Abakurisito.

Ab'e Roma 9:23

Era yayenda okwoleka ekitiisa kye ekinene einho y'abo be yagemerwa ekisa, abo be yategekera ekitiisa okuva eira n'eira.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

Ab'e Galatia 6:15

Kuba ekikulu n'okufuuka ekitonde ekiyaaka, aye ti kukeketebwa oba obutakeketebwa.

Ab'Efeso 1:12

mwe yatulondera. Ife abaasooka okuba n'eisuubi mu Kurisito, tubeegho nga tusaaka ekitiisa kya Katonda.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Yakobo 2:7

Ti ni beene abo abavumirira eriina ery'ekitiisa lye mwetebwa?

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

1 Petero 4:14

Oba nga babavumira eriina lya Kurisito muli ba nkabi, kuba kino kitegeeza nga Mwoyo wa Katonda ow'ekitiisa ali mu imwe.

Okwolekebwa 3:12

Oyo aghangula, ndimufuula empango mu isinzizo lya Katonda wange era talirivaamu. Ndimughandiikaku eriina lya Katonda wange, n'eriina ly'ekibuga kya Katonda wange Yerusalemu ekiyaaka ekiika nga kiva mu igulu ewa Katonda wange. Era ndimughandiikaku eriina lyange eiyaaka.

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.