Isaia 43:5 - Baibuli Ekibono kya Katonda 2014

⁵ Otatya, kuba nze ndi ghalala n'iwe. Ndisoloza abantu bo nga mbatoola e buvandhuba n'e bugwandhuba, naabaiza ghalala.

Isaia 43:5 ပူးပေါင်းရင်းမြစ်များ

Zabbuli 106:47

Wo Musengwa Katonda waife kola otuwonie, otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.

Zabbuli 107:3

n'abaiza okuva mu nsi kamaala e buvandhuba n'e bugwandhuba, ni mu nsi edhiri ku luuyi olw'omukono omugooda ni ku lw'omukono omusaadha olw'e buvandhuba.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 41:8

Aye iwe eighanga Isiraeli, oli mugheereza wange, oli mwidhukulu wa Yakobo, era niiwe ye nalondamu, iwe eizaire lya Aburahamu mukagwa wange.

Isaia 41:9

Nakutoola eyo ensi y'ekanga, naakweta okuva eyo mu nsonda dhaayo edhisinga kuba dha ghala. Naakukoba nti, ‘Niiwe omugheereza wange.’ Nakulondamu era tikuzirangaku.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 44:2

Mulobe kutya, kuba muli bagheereza bange, era abantu bange be nalondamu, be ngonza. Nze ninze Musengwa Katonda eyabatonda ni mbata mu nda dha bainhaimwe, era ndidha kubayambanga.

Isaia 49:12

Mubone eno, abantu bange baliva ghala eyo: abandi baliva ku luuyi olw'omukono omugooda olw'e buvandhuba, abandi baava e bugwandhuba, n'abandi baava mu kiketezo ky'e Sinimu.’

Isaia 49:18

Linga ere ku ndhuyi dhoonadhoona obone. Baabo bali kwesoloza okwidha y'oli. Nze Musengwa Katonda nkoba nti nga bwendi omulamu, abantu bo abo baidha kukuleeteranga okwesiima, ng'oti n'ebyamadholobera bwe bireetera omugole abivaire okwesiima.

Isaia 54:3

Oligaziya ensalosalo edh'ekiketezo kyo dhaaja ku ndhuyi dhoonadhoona edh'ensi. Abantu bo balitwala ebiketezo eby'abamaghanga agandi, era baliidhula mu bibuga ebyali birekeibwa obwagho.

Isaia 54:7

“Nakulekulira agho okumala akaseera, aye ndikwiza ye ndi, kuba nkugonza inho.

Isaia 61:9

Abaana baibwe balimanhikana mu maghanga, n'abaidhukulu baibwe baaba bamanhifu mu bantu boonaboona. Buli muntu anaababonanga alimanha ng'abo n'abantu, nze Musengwa Katonda be mpaire enkabi.”

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Yeremia 23:7

Musengwa Katonda akoba ati: “Ekiseera kiri kwidha, abantu babe nga tibakaalayira mu liina lyange nga Katonda omulamu eyatoola Abaisiraeli mu nsi Misiri.

Yeremia 23:8

Aye balayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire. Agho baliba mu nsi eyaibwe yeene.”

Yeremia 29:14

Bwenebwene mulimbona, naabaleetera ebintu byairamu okubajiiranga obukalamu. Era naabasoloza okuva mu nsi dhoonadhoona ni mu bifo byonabyona mwe nababingira, naabaiza mu nsi mwe nabatoola okubasindika mu bunhage. Nze Musengwa Katonda, ninze nkobye.’

Yeremia 3:18

Mu nnaku edho abantu b'omu Buyudaaya balyeyimba ku b'omu Isiraeli, baajiira ghalala okuva mu bunhage mu nsi eri ku luuyi olw'omukono omugooda olw'e buvandhuba, baingira mu nsi ye nagha badhaadha baimwe nga yaibwe ku bwaibwe.”

Yeremia 42:11

Mulekere agho okutya kyabazinga w'e Babilonia. Nze ndi n'imwe era ndidha kubatoola mu ngalo dhe mbawonie.

Yeremia 51:46

Mutawaamu myoyo oba okutya, olw'amawulire ge muwulira mu nsi. Buli mwaka amawulire ag'endhawulo gasansaanizibwa: ka tukobe, ng'ago agoogera ku bikolwa eby'obukambwe mu nsi eno, n'aga kyabazinga ono okulwana ni kyabazinga owundi.

Yoeli 3:7

Aye mperaano nja kuleetera abantu abo okuva eyo ye mwabatunda, olwo mwena mbeesasuulizeeku nga mbakola kyene ekyo kye mwabakola.

Mika 2:12

“Aye imwe abantu bange Abaisiraeli, abaliwonagho, nja kubasoloza mbaleete ghalala ng'omwayi bw'asoloza entaama dhe mu kisibo kyadho. Era ekiketezo kyaimwe kija kwiramu okwidhula abantu nga baseregulya buseregulye ng'oti n'ekyayiro ekirimu entaama kamaala.”

Zekaria 8:7

Bona eno, ndinunula abantu bange, naabatoola mu nsi edh'e buvandhuba n'e bugwandhuba ye baatwalibwa.

Luka 13:29

Eriyo abaliva ku luuyi olw'e buvandhuba n'olw'e bugwandhuba abaliva ku luuyi olw'omukono omugooda olw'e buvandhuba ni ku luuyi olw'omukono omusaadha olw'e buvandhuba, baatyama ku mbaga mu Bwakyabazinga bwa Katonda.

Yoanne 10:16

Ndi n'entaama edhindi, aye nga tidhiri mu kyayo kino. Nteekwa dhoona okudhireeta, dhiriwulira amamiro gange, era dhirifuuka dha mu kyayo kirala n'omwayi mulala.

Amateeka Agokubiri 30:3

Musengwa Katonda waimwe aidha kubagemerwanga ekivunika. Aidha kubasolozanga eyo mu maghanga goonagoona y'anaabasansaanizanga, abaize mwiremu okuba obukalamu.