Isaia 43:4 - Baibuli Ekibono kya Katonda 2014

⁴ Ndighaayo abantu kamaala olw'okukuzaawula, era naaghaayo amaghanga mangi ku lw'obulamu bwo; kuba nkugonza inho era nkutwala ng'oli wa mughendo era wa kitiibwa ye ndi.

Isaia 43:4 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Isaia 49:5

Musengwa Katonda oyo n'eyampumbira mu nda ya maama, yantegeka okuba omugheereza we, nje mmusolokeze ab'eizaire lya Yakobo, abantu be abo abaasansaanizibwa. Musengwa Katonda oyo anfuula wa kitiisa mu maiso ge, era oyo ni Katonda wange, ensimuko ey'amaani gange.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 31:3

nze nababonekera nga ndi ghala okuva ghe baali. Imwe Abaisiraeli, nze nava ira nga mbagonza, era ndidha kweyongeranga okubagonza obutalekera.

Hosea 11:1

Musengwa Katonda akoba ati: “Isiraeli bwe yali omuto namugonzanga, naamweta okuva e Misiri nga mwana wange.

Malaki 1:2

Musengwa Katonda akoba ati: “Imwe bantu bange, nze nava ira nga mbagonza. Aye imwe mumala mwakoba muti, ‘Otugonza otya?’ ” Musengwa Katonda oyo yaayongera okukoba ati: “Esau muganda wa Yakobo.

Malaki 3:17

Musengwa Katonda Afuga Amagye akoba ati: “Abo baliba bantu bange, nga bange mu ngeri ey'endhawulo. Era ku lunaku lwe ndituukirizaaku ekibonerezo kye ntegeike, abo ndibasaasira ng'omuzaire bw'asaasira omwana we omugonvu amugheereza.

Yoanne 16:27

Lata mwene abagonza, kuba mwangonza era mwaikiriza nga nva wa Katonda.

Yoanne 17:23

Nze mbabeemu weena obe mu nze memale olwo babeere irala ekitole, n'ensi emanhe nga niiwe owantuma era ng'obagonza nga bw'ongonza.

Yoanne 17:26

Nabamanhisa eriina lyo era ndidha kwongera okulimanhisa, okugonza kw'ongonza kubabeemu era zeena mbabeemu.”

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Amateeka Agokubiri 26:18

Era Musengwa Katonda akakaisa olwaleero ati muli eighanga erirye ku bubwe nga bwe yasuubiza. Era yaabalagira okugemanga ebiragiro bye byonabyona,

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.