Isaia 43:3 - Baibuli Ekibono kya Katonda 2014

³ kuba ninze Musengwa Katonda wo, Omutukuvu wa Isiraeli era Omulokozi wo. Ndighaayo Misiri olw'okukununula, era naaghaayo Ethiopia ni Seba olw'okukuwonia.

Isaia 43:3 ပူးပေါင်းရင်းမြစ်များ

Amainhama 10:7

Abaana ba Kushi ni bano: Seba, Havila, Sabita, Raama ni Sabiteka. Ate aba Raama ni bano: Sheba ni Dedani.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Okuvaayo 10:7

Abakungu baakoba kyabazinga bati: “Ono omusaadha aja kulekera li okutweraliikiriza? Leka abasaadha Abaisiraeli baje, basinze Musengwa Katonda waibwe. Tobona nga Misiri eri kufafaagana?”

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Ensambo 11:8

Katonda akuuma omutuufu yaaloba kugwa mu bizibu, aye omubi yaabigwamu.

Ensambo 21:18

Abantu ababi n'ababonerezebwa mu kifo eky'abatuufu, era abatatya Katonda n'ababonerezebwa mu kifo eky'abeesimbu.

Isaia 19:20

Obwo buliba bumanhiso obwoleka nga Musengwa Katonda Afuga Amagye ali mu nsi Misiri. Era abantu bwe balimulirira nga bali kutuntuzibwa, alibatumira omuyambi yaabalwanirira era yaabawonia.

Isaia 20:3

Musengwa Katonda yaakoba ati: “Omugheereza wange Isaia amaze emyaka esatu ng'atambula madu, okwoleka ebirituuka ku b'e Misiri n'ab'e Ethiopia.

Isaia 30:11

Mutuviire mu ngira mulobe kutwekiika mberi. Mulekere agho okutukobera ebigema ku Mutukuvu wa Isiraeli.’ ”

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 43:11

Nze zenka, ninze Musengwa Katonda, era nze zenka, ninze omulokozi waimwe.

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 45:15

Katonda Omulokozi wa Isiraeli, ni Katonda eyeekweka.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Yeremia 14:8

Niiwe wenka eisuubi ly'Abaisiraeli; niiwe otuwonia mu biseera ebizibu. Lwaki oba mu nsi yaife ng'oti n'omuntu omusenze obusenze, era ng'oti n'omugeni omubise asula obw'olunaku olulala lwonka?

Yeremia 16:21

Musengwa Katonda akoba ati: “Kale ni bona, amaghanga ago ndigooleka obuyinza bwange n'amaani gange, omukuzi mulala guti aye nga gumala. Era galimanha nga ninze Musengwa Katonda.”

Ezekieli 39:7

Ndimanhisa abantu bange Abaisiraeli eriina lyange eitukuvu, era tiriganha bantu kabiri kwiramu kulyonoona. Olwo amaghanga galimanha nga ninze Musengwa Katonda, Omutukuvu wa Isiraeli.”

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Abalevi 11:44

Ninze Musengwa Katonda waimwe. Mubenga batukuvu, kuba nze ndi mutukuvu. Muteereeteranga kuba batali batukuvu nga mulya ku mamba ey'ebyekululira ku itaka ebyo.

Amosi 9:7

Musengwa Katonda akoba ati: “Imwe Abaisiraeli, mulowooza muti muli ba ndhawulo ku Baethiopia? Kituufu imwe nabatoola mu Misiri mu bwiru, aye n'Abafilisiti boona nabatoola mu Kafutori, n'Abasiria naabatoola mu Kiri.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Yuda 1:25

Katonda omulala ati Omulokozi waife ng'abita mu Yesu Kurisito Musengwa waife, agheebwe ekitiisa, obufuzi, amaani n'obuyinza okuva ku ntoolo, na buti, n'okutuusa ebyanda n'ebyanda. Amiina.