Isaia 43:27 - Baibuli Ekibono kya Katonda 2014

²⁷ Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Isaia 43:27 ပူးပေါင်းရင်းမြစ်များ

Zabbuli 78:8

Balobe kuba ng'oti ni badhaadha baibwe, ab'oluse olw'empwitu era oludheemu oluse olw'abantu ab'emyoyo egitaagumira ku Katonda era abaalekera agho okumwikiriza.

Isaia 24:20

Ensi eritagala ng'oti mutamiivu, yaayuuzibwayuuzibwa ng'oti ntindi. Ebibi byayo bigizitooghereire byagigwisa, era teja kwirayo kusituka.

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 3:12

Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 8:8

Musobola mutya okukoba muti, ‘Tuli bagezi, era twidhi amateeka ga Musengwa Katonda,’ aye ng'ate abanamateeka baagafuulaniafuulania, gaafuuka ga buguya?

Yeremia 8:9

Abagezi baidha kuswazibwa, batye inho era baweemu n'amaani; kuba baaloba okwikiriza ebibono byange nze Musengwa Katonda. Kale agho magezi ki ge bali nago?

Ezekieli 16:3

okikobere bino, nze Musengwa Katonda, bye ndi kukikoba nti: “Iwe Yerusalemu, ensimuko yo n'obuzaale bwo biri mu nsi Kanaani. Lata wo yali Muamori ate inhoko yaaba Muhitti.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Malaki 3:7

Nga badhaadha baimwe bwe baakolanga mu biseera byaibwe, mwena buti bwemukola: Mwakyuka mwava ku biragiro byange mwaloba kubituukiriza. Aye mwire ye ndi zeena ndidha kwira ye muli, waire nga mumala kabiri mwabuuza muti: ‘Tukole tutya okwira y'oli?’

Okubala 32:14

Mperaano bona, niimwe mwize mu kifo kya badhaadha baimwe abo, mube oluse olw'abakozi ab'ebibi, era mwongere okuleetera Musengwa Katonda okusungughalira Abaisiraeli ekibitiriire.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Matayo 27:1

Obwire bwe bwakya, Bakabona Abakulu boonaboona n'abakulu ab'ebika baateesa ensambo ey'okwitamu Yesu.

Matayo 27:41

Era ni Bakabona Abakulu baakoba n'ekirala, baamukiina, aghalala n'Abanamateeka n'abakulu ab'ebika baakoba bati:

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Ab'e Roma 5:12

Ng'ekibi bwe kyaidha mu nsi olw'omuntu omulala ni kireeta okufa, okufa kwabuna abantu boonaboona kuba baayonoona.