Isaia 43:24 - Baibuli Ekibono kya Katonda 2014

²⁴ Timwaghaayooku mpiiya kungulira bubbaani buwunha kawoowo, waire okundhigusa n'amasavu g'ensolo dhaimwe. Aye mu kifo ky'okukola ebyo, mwantwika bwa mugugu gwa bibi byaimwe, mwankooya n'ebyonoono byaimwe.

Isaia 43:24 ပူးပေါင်းရင်းမြစ်များ

Zabbuli 95:10

Abantu abo baamala emyaka amakumi ana (40) nga banguuda ku mwoyo, bansina. Naakoba nti, ‘Abantu bano badheemu okuviira irala mu myoyo gyaibwe, era amateeka gange tibagajiiraku naire.’

Okuvaayo 30:34

Era Musengwa Katonda yaakoba Musa ati: “Funayo obuwoowo obuwooma okuwunhiza bwa bika bisatu, mu buzito obwagayaga. Ebika ebyo ni bino: amasando ag'omuti ogwetebwa sitakite, n'akawoowo akakolebwa mu masonko akeetebwa onika, n'amasando ag'omuti ogwetebwa galubano, ghalala obubbaani obusinga bulungi,

Okuvaayo 30:7

Ku alutaari okwo Aaroni kw'aidha okuniokezanga obubbaani obw'akawoowo buli ku nkyo ng'ajiire okutegeka entaala.

Isaia 1:14

Tyendera irala mbaga dha bibinuko byaimwe eby'Okuboneka kw'Omwezi, waire edh'ebibinuko byaimwe ebindi ebyalagirwa. Mbyesiniirwa inho, era nkooye okubiguminkiriza.

Isaia 1:24

Kale ni Musengwa Katonda Afuga Amagye, Katonda oyo owa Isiraeli Aghanga Ebintu Byonabyona, akoba ati: “Ha, imwe abazigu bange ndidha kubamaliraku obusungu bwange, era mbeesasuulizeeku imwe abantakania.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Yeremia 44:22

Ni ye buli eno ensi yaimwe yaasigala agho etyo ng'eri bifulukwa byereere omutaba bantu. Era abantu bagivumirira, baakozesa n'eriina lyayo ng'ekikolimo. Olw'okuba Musengwa Katonda yali tasobola kuguminkiriza bikolwa byaimwe ebibi ebyenhinhalwa.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 16:43

Olw'okuba tiwaidhukira bya mu buto bwo, aye waakolanga ebinsungughaza, kyendiva ni nkwesasuulizaaku. Kale lwaki ku bikolwa byo bire ebindi byonabyona ebyenhinhalwa, wayongerezaaku n'obwenzi?” Musengwa Katonda atyo bw'akobye.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Abalevi 3:16

Kabona anaayokeranga ebyo byonabyona ku alutaari ng'ekigheebwayo eky'eby'okulya ekyokebwa, olw'akawoowo kaakyo akasangaaza Musengwa Katonda. Amasavu goonagoona ga Musengwa Katonda.

Abalevi 4:31

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu nsolo ey'ekigheebwayo olw'okutabagana. Olwo kabona yaagookera ku alutaari, gaavaamu akawoowo akasangaaza Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Amosi 2:13

“Kale ni bona eno, nja kubasiinhira ku itaka, mube ng'oti n'ekigaali ekighaluzibwa ekiidhwire engaano.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”