Isaia 43:19 - Baibuli Ekibono kya Katonda 2014

¹⁹ Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Isaia 43:19 ပူးပေါင်းရင်းမြစ်များ

Zabbuli 105:41

Yakuba olubaale lwayawuka, mwafukumukamu amaadhi, gaakuuluula mu irungu ng'oti mwiga;

Zabbuli 126:4

Wo Musengwa Katonda, twirizeegho Sioni nga bwe kyalinga eira, ng'oti bw'oiza amaadhi ni gaidha mu miiga egyakala mu kiketezo kya Buyudaaya ekikalukalu eky'oku luuyi olw'omukono omusaadha olw'e buvandhuba.

Okuvaayo 17:6

Nze ndidha kuba nga ndi eyo ku lusozi Horebu emberi waimwe. Oidha kukuba olubaale era amaadhi gaidha kuvaamu, abantu ge baghanga okunhwa.” Musa yaakola atyo ng'abakulu ab'ebikunsu mu Isiraeli babona.

Isaia 30:25

Ku lunaku ebimante ebigumu eby'abazigu baimwe lwe birigemwa era abazigu ni baitibwa kamaala, amaadhi amangi galiba gakuuluula nga gava ku nsozi dhoonadhoona endeeyi ni ku busozi bwonabwona obugulumivu.

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 33:21

Eyo Musengwa Katonda y'alitwolekera ekitiisa kye, twaba mu kifo ekirimu ensulo, era ekirimu n'emiiga eminene okutabita maato ga bazigu.

Isaia 35:1

Eirungu lirisagamba, ensi enkalukalu yaamulisa ebimuli.

Isaia 41:18

Ndireetera emiiga okukuuluula nga giva ghaigulu ku nsozi edhiziraku kantu, naataagho enhindo edh'ensulo dh'amaadhi mu biiko. Ndifuula eirungu lyaba kidiba kya maadhi, n'eitaka eikalu lyabaamu ensulo edh'amaadhi agakuuluula.

Isaia 41:19

Ndimeza mu irungu emiti emivule, n'emikasia, n'emyoliva, n'emiti egindi. Ndimeza mu itaka eikalu emiti emisipuressi, n'emipulane, n'emyalumugi, gyonagyona gyakulira ghalala.

Isaia 42:9

Bona, ebintu bye nalangirira eira biibyo bituukiriire. Mpegaano nja kubakobera ebiyaaka, nga bikaali na kutoolera kubaagho.”

Isaia 48:5

Kyenava ni mbakobereragho ebiribaagho, naabiranga mu bimanhe nga bikaali na kubaagho. Olwo mulobe kukoba muti, ‘Ebifaananie byaife ebibaadhe bye tusinza, era n'ebyo ebyakolebwa mu kyuma ekisaanuusiibwa, n'ebireeteire ebintu ebyo okubaagho.’

Isaia 48:6

Ebyo byonabyona mwabiwulira, era muli n'okwatula muti byali bituufu, kuba mwabibona byatuukirira. Okuva ni mpegaano nja kubakobera ebiyaaka, bye ntabamanhisangaku naire.

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Yeremia 23:7

Musengwa Katonda akoba ati: “Ekiseera kiri kwidha, abantu babe nga tibakaalayira mu liina lyange nga Katonda omulamu eyatoola Abaisiraeli mu nsi Misiri.

Yeremia 31:22

Imwe abantu abatali beesigwa, mulirekera li okudaaliimira eno n'ere? Nze Musengwa Katonda ntonzeegho ekintu ekiyaaka ku nsi era nga kya ndhawulo, eky'omukazi okuba nga n'omukuumi w'omusaadha.”

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Okubala 20:11

Era Musa yaagalula omukono yaakuba olubaale emikuzi ebiri n'omwigo gwe. Amaadhi amangi einho gaava mu lubaale olwo, abantu baanhwa n'ebyayo byaibwe.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

Amateeka Agokubiri 8:15

Yababisa mu irungu einene era eritiisa, omwali emisota n'ebiyiri eby'obusagwa. Mu irungu omwo omuzira maadhi, yaabafunira amaadhi okuva mu lubaale olubbalangufu.”

Okwolekebwa 21:5

Agho eyali atyaime ku kityamo eky'obwakyabazinga yankoba ati: “Bona! Ebintu byonabyona mbiiza buyaaka.” Era yankoba ati: “Bino bighandiike, kuba ebibono bino bituufu era bya mazima.”