Isaia 43:17 - Baibuli Ekibono kya Katonda 2014

¹⁷ Yaazikiriza eigye ery'abalwani ab'amaani abaali n'embalaasi n'ebigaali eby'omu lutalo. Baagangalima baagwa obutairayo kusitukagho kabiri, olwo baazima era baawola ng'oti lutambi lwa ntaala.

Isaia 43:17 ပူးပေါင်းရင်းမြစ်များ

Zabbuli 118:12

Baaneebungaku ng'oti muzinga gwa ndhuki, aye baazikira mangu ng'oti muliro gwa isandha, olw'amaani ga Musengwa Katonda boonaboona naabamulungula.

Okuvaayo 15:19

Abaisiraeli baabita mu nhandha ghagati nga batambulira ku itaka ikalu. Aye ebigaali eby'Abamisiri eby'omu lutalo, n'embalaasi dhaaku, n'abavuzi baadho bwe bangira mu nhandha, Musengwa Katonda yaiza amaadhi g'enhandha mu kifo kyago era gaabasaaniagho.

Okuvaayo 15:4

Yasuula abalwani ba Misiri n'ebigaali byaibwe eby'omu lutalo mu nhandha; abaduumizi ba Misiri abaasinganga okwesigibwa, baasaanagho mu maadhi.

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Yeremia 51:21

Nakukozesa okuniantula embalaasi n'abavuzi baadho, n'okuniantula ebigaali eby'omu lutalo n'abavuzi baabyo.

Ezekieli 38:4

Ndikukyusa naakulingiriza ye ndi, naakutunga mu mba dho amalobo era naakukwekwebya, naakutoolayo n'eigye lyo lyonalyona omuli embalaasi, n'abaisirukale ab'oku mbalaasi, boonaboona nga bavaire eby'omu lutalo mu bwidhuvu, nga bali igye ikologho lyene. Era nga bagemye engabo enene n'entono, eno bwe bazunza empiima.

Matayo 12:20

Olugada oluvuniike talirukutulamu, n'olutambi olunioka taliruzikiza, okutuusa ng'atuusiiza amazima ku bughanguzi.

Abalamuzi 4:16

Baraki yaabingirira eigye lya Sisera ghalala n'ebigaali byalyo eby'omu lutalo okutuuka mu Haroshethi Hagoyiimu. Eigye eryo lyonalyona lyaitibwa. Ghaaloba kusigalagho muntu waire omulala.