Isaia 43:15 - Baibuli Ekibono kya Katonda 2014

¹⁵ Ninze Musengwa Katonda Omutukuvu waimwe, Omutonzi wa Isiraeli era Kyabazinga waimwe.”

Isaia 43:15 ပူးပေါင်းရင်းမြစ်များ

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 74:12

Ate nga iwe Katonda waife, okuva eira n'eira oli Kyabazinga waife; otulokoire emikuzi kamaala.

Isaia 30:11

Mutuviire mu ngira mulobe kutwekiika mberi. Mulekere agho okutukobera ebigema ku Mutukuvu wa Isiraeli.’ ”

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 40:25

Kale olwo Katonda oyo Omutukuvu tunaamugeza ku ani? Ghaligho omuntu ye tunaamufaanania?

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 41:20

Olwo abantu balibona baamanha nga nze Musengwa Katonda ninze nkoze ekyo. Era balikirowoozaaku baakitegeera nga nze Omutukuvu wa Isiraeli ninze nkireeteire okubaagho.”

Isaia 41:21

Musengwa Katonda kyabazinga wa Isiraeli akoba ati: “Imwe bakatonda ab'amaghanga mwandhule ensonga dhaimwe, mutooleyo n'obudhulizi obukakasa.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 43:21

Abo n'abantu bange, nze mwene be neeteeragho, bansaakenga.”

Isaia 43:3

kuba ninze Musengwa Katonda wo, Omutukuvu wa Isiraeli era Omulokozi wo. Ndighaayo Misiri olw'okukununula, era naaghaayo Ethiopia ni Seba olw'okukuwonia.

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 45:11

Musengwa Katonda Omutukuvu wa Isiraeli era omutonzi we, akoba ati: “Imwe muzira bukumu bwa kumbuuza ebigema ku baana bange, waire okundagira eky'okukola.

Isaia 47:4

Eriina ly'Omununuzi waife, ni Musengwa Katonda Afuga Amagye, era oyo n'Omutukuvu wa Isiraeli.

Isaia 48:17

Iwe Isiraeli, Musengwa Katonda Omununuzi wo era Omutukuvu, akoba ati: Ninze Musengwa Katonda wo akwegeresa ebikuganhula, era akukulemberamu mu ngira y'ogwaine okubitamu.

Yeremia 51:5

kuba nze Musengwa Katonda, Katonda Afuga Amagye, tirekuliire agho Baisiraeli na Bayudaaya, waire nga beene baiza omusango ye ndi, nze Omutukuvu wa Isiraeli.

Habakkuku 1:12

Wo Musengwa Katonda wange, oli Katonda okuva eira n'eira. Oli Mutukuvu ow'ebyanda n'ebyanda. Wo Musengwa Katonda, niiwe olubaale mwe twewogoma era niiwe walonda Abababilonia, waabafuula ba maani era waabagha okutubonereza.

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati: