Isaia 43:13 - Baibuli Ekibono kya Katonda 2014

¹³ Nze ninze Katonda okuva eira n'eira, era buliidho ndidha kusigalanga nga ninze Katonda. Ghazira asobola kutoola kintu kyonakyona mu buyinza bwange, era ghazira asobola kukyusaamu mu kye mba nkoze.”

Isaia 43:13 ပူးပေါင်းရင်းမြစ်များ

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Yobu 9:12

Bw'atwala ekintu kyonakyona ky'ayenda, naani asobola okumulobera? Naani akana okumubuuza ati, ‘Oli kukola ki ekyo?’

Zabbuli 102:28

Abaana b'abo abakutya baidha kubangagho ng'obakuuma, n'abaidhukulu baibwe boona baidha kubanga bagumu gh'oli.

Zabbuli 50:22

Mumanhe kino imwe abatanfaaku nze Katonda: nsobola okubayuzayuza ate nga ghazira na muntu wa kubawonia.

Zabbuli 90:2

Ng'ensozi dhikaali kubaagho, era ng'okaali kutonda nsi n'ebirimu byonabyona, niiwe Katonda eyaligho, era alibaagho ebyanda n'ebyanda.

Zabbuli 93:2

Wo Musengwa Katonda, okuva eira n'eira ekityamo kyo eky'obwakyabazinga kigumu begulugulu, era iwe oligho lubeerera.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Ensambo 8:23

Nateebwagho mu biseera ebyabita, naligho mu kusooka ng'ensi ekaali kubaagho.

Isaia 14:27

Musengwa Katonda Afuga Amagye ekyo ky'ategeike, era ghazira asobola kukirobera. Buti amaze okugalula omukono gwe okubonereza, era ghazira asobola kugwizaayo.

Isaia 41:4

Naani eyaleetera ebyo byonabyona okubaagho, n'abitegeka okuviira irala mu mainhama? Ninze Musengwa Katonda eyaligho ku ntoolo, era ninze alibaagho ku nkomerero.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Isaia 46:4

Ni bwe mulikula ni mukairigha ni mumera n'envu, era ndidha kubalabiriranga. Ninze eyabatonda, era ndidha kubakuumanga mbayambe mbalokole.

Isaia 47:15

Batyo bwe baliba abo be weesiguliraku, be wakolagananga nabo okuva obuto. Boonaboona balikuvaaku, buli muntu yaaja mu ngira ye ng'atambulatambula eyo atyo yenka, ghaabulagho akuwonia waire omulala ati.”

Isaia 48:16

Museete ghe ndi muwulire kino: Okuviira irala mu mainhama n'okutuusa mpegaano, tyogerangaku mu kyama. Era bye ndhogera bimala byatuusa ekiseera byabaagho. Mpegaano Musengwa Katonda antumye n'amaani ag'omwoyo gwe.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Hosea 2:10

Ndimutoolamu ebivaalo yaaba madu mu maiso g'abagonzi be, ghaabulagho amutoola mu buyinza bwange.

Hosea 5:14

Kale ndirumba Isiraeli ni Buyudaaya ng'oti mpologoma. Era nze mwene, ninze ndibayuzayuza, memale neejiira. Ndibaghaluudhania naabatwala nga ghazira n'asobola kubawonia.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Habakkuku 1:12

Wo Musengwa Katonda wange, oli Katonda okuva eira n'eira. Oli Mutukuvu ow'ebyanda n'ebyanda. Wo Musengwa Katonda, niiwe olubaale mwe twewogoma era niiwe walonda Abababilonia, waabafuula ba maani era waabagha okutubonereza.

Okubala 23:20

Bona eno, Katonda yandagira okusabira abantu enkabi. Kale Katonda bw'agha enkabi, nze ekyo ti kikyusaamu naire.

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Amateeka Agokubiri 28:31

Ente dhaimwe dhiidha kwitibwanga nga mubona, aye timuulyenga ku mamba yaadho. Endogoyi dhaimwe baidha kudhibanhagangaku era tibaadhibairizenga. Entaama dhaimwe baidha kudhigabiranga abazigu baimwe, era imwe ghazira anaababeeranga.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

Yoshua 2:2

Aye ghaabaagho abaaja ni bakobera omukulu w'ekibuga Yeriko bati: “Ghaligho Abaisiraeli abaidhie eigulo lino okukeeta ensi yaife.”

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”