Isaia 43:11 - Baibuli Ekibono kya Katonda 2014

¹¹ Nze zenka, ninze Musengwa Katonda, era nze zenka, ninze omulokozi waimwe.

Isaia 43:11 ပူးပေါင်းရင်းမြစ်များ

Zabbuli 3:8

Okuwonezebwa kuva eri iwe, Musengwa Katonda. Enkabi dho dhibe ku bantu bo.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 19:20

Obwo buliba bumanhiso obwoleka nga Musengwa Katonda Afuga Amagye ali mu nsi Misiri. Era abantu bwe balimulirira nga bali kutuntuzibwa, alibatumira omuyambi yaabalwanirira era yaabawonia.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 43:3

kuba ninze Musengwa Katonda wo, Omutukuvu wa Isiraeli era Omulokozi wo. Ndighaayo Misiri olw'okukununula, era naaghaayo Ethiopia ni Seba olw'okukuwonia.

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 44:8

Mutatya era mutawaamu maani. Mukiidhi bukalamu ng'okuva eira n'eira n'okutuusa ye buli eno, mbairenga mbakobera ebiribaagho. Era niimwe abadhulizi bange. Ate eriyo ekyetebwa katonda okutoolaku nze? Ninze zenka ali ng'oti n'olubaale mwe mwewogoma, ezirayo wundi ye ndidhi.”

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Yona 2:10

Agho Musengwa Katonda yaalagira ekyenhandha kyasesema Yona ku bukalu.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Luka 1:47

Omwoyo gwange gusangaaliire mu Katonda omununuzi wange.

Luka 2:11

kuba olwaleero, mu kibuga kya Daudi, omununuzi Kurisito Musengwa, abazaaliirwa.

Ebikolwa by'Abatume 4:12

Okulokolebwa kufunirwa mu oyo yenka, ghazira wundi asobola kulokolerwamu, kuba naire mu maina agagheebwa abantu ghansi gh'eigulu, ghazira lye tusobola kulokolerwamu.”

Amateeka Agokubiri 6:4

“Imwe Abaisiraeli muwulire: Musengwa Katonda, era Musengwa Katonda oyo yenka, ni Katonda waife.

Tito 2:10

waire okubaibaku ebyaibwe. Aye boolekenga obwesigwa obw'amazima mu buli kintu, kino kireetere abantu okusiima ebyegeresebwa ku Katonda Omulokozi waife.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

1 Yoanne 4:14

Era twakibona, twakighaaku n'obudhulizi tuti Lata yatuma Omwana we okuba Omulokozi ow'ensi.

Yuda 1:25

Katonda omulala ati Omulokozi waife ng'abita mu Yesu Kurisito Musengwa waife, agheebwe ekitiisa, obufuzi, amaani n'obuyinza okuva ku ntoolo, na buti, n'okutuusa ebyanda n'ebyanda. Amiina.

Okwolekebwa 1:11

Gaakoba gati: “By'obona bighandiike mu kitabo okigheereze Ebikunsu eby'Abaikiriza mu Kurisito bino: eky'Efeso, eky'e Simuruna, eky'e Perugamo, eky'e Thuyatira, eky'e Sarudi, eky'e Filadelufia, n'eky'e Laodikea.”