Isaia 42:3 - Baibuli Ekibono kya Katonda 2014

³ Olugada oluvuniike talirukutulamu, n'olutambi olw'entaala olulikufenfeenha taliruzikiza, aye alireetera abantu okukolerwanga eby'amazima ebibagwaniire.

Isaia 42:3 ပူးပေါင်းရင်းမြစ်များ

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 54:5

Aidha kwiriza abazigu bange ebibi byaibwe byene bibabonereze; aidha kubazikiriza kuba mwesigwa.

Zabbuli 94:15

Balisalanga emisango mu butuufu, abo abatya Katonda baajiiranga ku bisaliibwagho.

Zabbuli 96:13

byonabyona nga biri mu maiso ga Musengwa Katonda ali kwidha. Aidha kusalira ensi omusango mu butuufu, ni mu mazima nga tasaliriza.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 42:2

Talikaabuka waire okwogera n'amaani, era ghazira alimuwulira ng'alangiriza mu nguudo.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Isaia 63:1

“Naani oyo ali kuviira mu kibuga Bozira eky'omu nsi Edomu ng'ali mu ngoye edh'erangi ya kasaayisaayi? Naani oyo ali kutoonha mu bivaalo bye eby'ebitiibwa, ali kukumba n'obukumu n'amaani atyo?” “Ninze Musengwa Katonda ali n'obuyinza obw'okulokola, era ndi kwidha okulangirira obughanguzi bwange.”

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 31:25

Ndiizaamu amaani abo abakooye, era naigusa emere abo boonaboona abaanafugha olw'endhala.

Ezekieli 34:16

Ndinoonia edhibuze, naiza edhitambuliratambulira eyo dhityo, edhimenheike naadhisibaku ekintu dhaayunga, n'enafu naadhiizaamu amaani. Era edho edhaageedha edh'amaani ndidhirabirira, kuba nze ndi mwayi akolera ku mazima.

Mika 7:9

Twakola ebibi eri Musengwa Katonda, kale tuli n'okugumira by'ali kutukola. Aye tikiidha kuba kiseera kireeyi, aidha kutuwolereza era atweye amaziga ge tulira olw'ebiinoino abazigu bye batukola. Aidha kutufulumya ku luya eri obutangaavu era twidha kubaagho atulokole nga tubona tuti.

Matayo 11:28

“Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Matayo 12:20

Olugada oluvuniike talirukutulamu, n'olutambi olunioka taliruzikiza, okutuusa ng'atuusiiza amazima ku bughanguzi.

Yoanne 20:27

Agho yaakoba Thomasi ati: “Ta ghano olwala lwo, era obone engalo dhange ogemeku ghano, era leeta omukono gwo ogute mu mbavu dhange. Leka kuba ataikiriza, aye ikiriza.”

Yoanne 5:30

“Tisobola kukola kintu kyonakyona ku bwange; nsala omusango nga bwempulira aghazira kusaliriza, kuba tinuyirira kukola nga bwe nhenda aye nga Lata eyantuma bw'ayenda.

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.