Isaia 42:21 - Baibuli Ekibono kya Katonda 2014

²¹ Musengwa Katonda olw'okuba yayenda okulokola abantu, yasalagho okugulumiza amateeka ge, abantu bagatengamu ekitiisa.

Isaia 42:21 ပူးပေါင်းရင်းမြစ်များ

Zabbuli 138:2

Neeyala ghansi nga ningiriire eisinzizo lyo eitukuvu naasaaka eriina lyo, olw'okungonza einho obutalekera n'olw'okuba omwesigwa, era n'olw'okuba ogulumiza eriina lyo n'ebiragiro byo okusinga ebintu ebindi byonabyona.

Zabbuli 40:8

Wo Katonda wange, nhenda inho okukola by'oyenda, era amateeka go gandi ku mwoyo.”

Zabbuli 71:16

Ndidha kutambuliranga mu maani go iwe Musengwa Katonda; ndidha kusaakanga obutuufu bwo, obubwo iwe wenka.

Zabbuli 71:19

Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Isaia 42:4

Taliwaamu maani waire okuwaamu eisuubi. Alireetagho okukolanga eby'amazima mu nsi ebigwaniire. N'ebiketezo eby'oku nhandha biri eyo biteegereire amateeka ge.”

Isaia 51:4

Imwe abantu bange mumpulirise; imwe eighanga lyange mutege kutu muwulire bye nkoba. Nditaagho amateeka gange, naayegeresa abantu boonaboona okukola amazima agaliba ekimulika eri amaghanga goonagoona.

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 3:15

Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Yoanne 15:10

Bwe muwulira ebiragiro byange mwidha kwekalangulira mu mukwano gwange oti ninze bwe mpulira ebiragiro bya Lata wange ni neekalangulira mu mukwano gwe.

Yoanne 8:29

Eyantuma ali ninze, tiyandeka kuba zenka, kuba buliidho nkola ebyo ebimusangaaza.”

Ab'e Roma 10:4

Kuba Kurisito n'eyadibya Amateeka, olwo kiisi aikiriza aghange okuba omutuukirivu.

Ab'e Roma 3:31

Mperaano okwikiriza kitegeeza kudibya Mateeka? Busa naire, tugagumya bugumye.

Ab'e Roma 7:12

Kale ni Amateeka ku bwago matukuvu n'ekiragiro kitukuvu kya mazima era kikalamu.

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Ab'e Galatia 3:21

Tukobe tuti Amateeka gakontana n'ebisuubizo bya Katonda? Busa naire. Kuba nguli abantu baagheebwa Amateeka agasobola okuleeta obulamu, nguli mu kutuukiriza bye galagira n'omuva obutuukirivu.

Amateeka Agokubiri 4:6

Mubikuumenga era mubituukirizenga, kuba ekyo n'ekinaayolekanga abantu abamaghanga agandi nga bwe muli n'amagezi n'okutegeera. Bwe banaawuliranga amateeka ago goonagoona, baidha kukobanga bati, ‘Bwenebwene eighanga lino eikologho, lya bantu bagezi era abategeevu!’

Amateeka Agokubiri 4:8

Era ezirayo ighanga lindi, ni bweriba eikologho litya, liri na mateeka ga butuufu ng'oti n'amateeka gano goonagoona ge ndi kubateeragho olwaleero.

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.

Abaheburayi 8:10

Eno n'endagaano ye ndikola n'abantu ba Isiraeli: Musengwa ayogera ati Mu biseera ebiri kwidha, ndita amateeka gange mu bidhuubo byaibwe, era ndigaghandiika mu myoyo gyaibwe. Ndiba Katonda waibwe, boona baaba bantu bange.