Isaia 42:18 - Baibuli Ekibono kya Katonda 2014

¹⁸ Musengwa Katonda akoba ati: “Muwulire imwe abaasemba amatu, n'imwe abatulu mumoge inho musobole okubona.

Isaia 42:18 ပူးပေါင်းရင်းမြစ်များ

Okuvaayo 4:11

Agho Musengwa Katonda yaamubuuza ati: “Naani eyata ku muntu omunwa? Era naani asobola okumufuula kasiru oba omusigha oba abona, oba omutulu? Ti ninze, nze Musengwa Katonda?

Ensambo 20:12

Amatu ge tuwuliza n'amaiso ge tubonesa, goonagoona Musengwa Katonda n'eyagakola.

Isaia 29:18

Ku lunaku olwo, abaasemba amatu baliwulira ng'ekitabo kiri kusomwa, n'amaiso g'abatulu ababaire mu nzikiiza etiisa einho, galimoga gaabona.

Isaia 35:5

Olwo amaiso g'abatulu galizibuka, n'amatu g'abasigha gairamu okuwulira.

Isaia 43:8

Katonda akoba ati: “Muleete abantu bange bawozesebwe abatulu abo ate nga bali n'amaiso, era abasigha ate nga bali n'amatu.

Luka 7:22

Agho yaabairamu yaabakoba ati: “Muje mukobere Yoanne bye muboine ni bye muwuliire: abatulu bairamu kubona, abalema batambula, ab'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi