Isaia 41:8 - Baibuli Ekibono kya Katonda 2014

⁸ Aye iwe eighanga Isiraeli, oli mugheereza wange, oli mwidhukulu wa Yakobo, era niiwe ye nalondamu, iwe eizaire lya Aburahamu mukagwa wange.

Isaia 41:8 ပူးပေါင်းရင်းမြစ်များ

1 Ebyomubyanda 16:13

ku lwaimwe abaana ba Isiraeli omugheereza we, era baidhukulu ba Yakobo oyo ye yeerondera.

2 Ebyomubyanda 20:7

Wo Katonda waife, iwe wabinga mu nsi eno abantu abaagirimu ng'abantu bo Abaisiraeli bali kumpi okutuukayo. Waagigha baidhukulu ba mukagwa wo Aburahamu, ebenga yaibwe lubeerera.

Zabbuli 105:6

imwe abaana ba Aburahamu omugheereza we era baidhukulu ba Yakobo ye yeerondera.

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Zabbuli 136:21

Yaatoola eitaka lyaibwe yaaligha abantu be Abaisiraeli ng'omugabo; okugonza kwe tikukoma, kubaagho byanda na byanda.

Zabbuli 136:22

Yaaligha Abaisiraeli abagheereza be ng'omugabo; okugonza kwe tikukoma, kubaagho byanda na byanda.

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Isaia 14:1

Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.

Isaia 29:22

Musengwa Katonda eyanunula Aburahamu kyava n'ayogera ku b'endhu ya Yakobo ati: “Imwe abantu bange, timuliiramu kuswazibwa kabiri, era timuliiramu kusiiwuuka mu maiso lwa nsoni kubagema.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 42:19

Naani omutulu okusinga omugheereza wange? Oba naani eyasemba amatu okusinga omukwenda wange ye ntuma?

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 43:10

Imwe Abaisiraeli niimwe abadhulizi bange era niimwe abagheereza bange be nalondamu, musobole okuumanha era mundhikirize. Olwo mukitegeere nga ninze Katonda zenka. Tebangayooku katonda yansooka kubaagho, era tighalibaagho alindhiririra naire.

Isaia 43:5

Otatya, kuba nze ndi ghalala n'iwe. Ndisoloza abantu bo nga mbatoola e buvandhuba n'e bugwandhuba, naabaiza ghalala.

Isaia 44:21

Musengwa Katonda akoba ati: “Iwe Yakobo idhukiranga ebintu ebyo, kuba oli mugheereza wange iwe Isiraeli. Nakutonda obe mugheereza wange, era tirikwerabira naire.

Isaia 45:4

Nkwese eriina lyo obe wange, oyambe omugheereza wange Yakobo, era nga oyo ni Isiraeli ye nalondamu. Nkughaire ekitiibwa eky'okwetebwa owange, waire nga iwe tondhidhi.

Isaia 48:12

Musengwa Katonda akoba ati: Imwe Abaisiraeli be nayeta, baidhukulu ba Yakobo mumpulirise. Ninze Katonda eyaligho ku ntoolo, era ninze ndibaagho ku nkomerero.

Isaia 49:3

Era yankoba ati: “Isiraeli, n'iwe omugheereza wange ye ndyolekeramu ekitiisa kyange.”

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Isaia 63:16

Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Yeremia 33:24

“Yeremia, oboine abantu bwe bali kukoba bati nalekulira agho abantu ab'omu Isiraeli n'ab'omu Buyudaaya, endhu edho eibiri dhe nalonda? Kale banhooma abantu bange abo baaloba kubatwala ng'eighanga.

Abalevi 25:42

kuba Abaisiraeli bairu bange, be natoola mu Misiri. Kale batatundibwanga mu bwiru.

Malaki 1:2

Musengwa Katonda akoba ati: “Imwe bantu bange, nze nava ira nga mbagonza. Aye imwe mumala mwakoba muti, ‘Otugonza otya?’ ” Musengwa Katonda oyo yaayongera okukoba ati: “Esau muganda wa Yakobo.

Matayo 3:9

Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana!

Ab'e Galatia 3:19

Olwo kiki ekyateesaagho Amateeka? Gaateebwagho okwoleka okwona, era gaali nga ga kubaagho okutuusa ku kwidha kwa mwidhukulu wa Aburahamu. Omwidhukulu oyo n'oyo ayogerwaku mu kisuubizo ekyasuubizibwa Aburahamu. Amateeka bamalaika baagaleeta nga gabita mu muntu eyagemagania Katonda n'abantu.

Amateeka Agokubiri 10:15

Aye Musengwa Katonda yagonza inho badhaadha baimwe, kyeyava n'alonda imwe baidhukulu baibwe mu b'amaghanga agandi goonagoona. Era n'okutuusa mpegaano mukaali abantu be abalondemu.

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Yakobo 2:23

Era ebyaghandiikibwa byatuukirira ebikoba biti: “Aburahamu yaikiriza Katonda, era ekyo kyamuviiramu okugheebwa obutuukirivu era ni Katonda okumweta mukagwa we.”