Isaia 41:5 - Baibuli Ekibono kya Katonda 2014

⁵ Abantu b'omu biketezo eby'oku nhandha baabona bye nakola baatya, n'ab'omu nsi edh'eghala boona baabibona baadhugumira; kale ni, n'okwesoloza ni baidha.

Isaia 41:5 ပူးပေါင်းရင်းမြစ်များ

Amainhama 10:5

Mu abo n'omwasimuka abantu abali kumpi n'enhandha era ni ku bizinga. Abantu abo, n'abaidhukulu ba Yafethi, nga bali mu bika byaibwe, mu biketezo byaibwe, era nga buli kikunsu kyogera olulimi olwakyo.

Zabbuli 65:8

Abantu boonaboona ab'oku nsi waire ab'omu biketezo eby'eghala einho, batya olw'ebyo ebyewuninkiriza by'okola. Iwe oleetera ensi yoonayoona okukuba emizira, okuva endhuba y'eva okutuuka y'egwa.

Zabbuli 65:9

Otugheereza amaadhi gaagwa okwoleka nga bw'olabirira ensi, waagigha eitaka eigimu einho, waagigha emiiga egitakala, ebirime byakula bukalamu. Otyo bwe wabikola.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 67:7

Katonda atughaire enkabi; ensi yoonayoona k'emutye okuva y'eva okutuuka y'ekanga.

Okuvaayo 15:14

Amaghanga gaabiwulira gaadhugumira olw'okutya. Abantu ab'omu Filisitia baalumwa emyoyo olw'okweraliikirira.

Isaia 41:1

Katonda akoba ati: “Musirike imwe ab'omu biketezo eby'oku nhandha, muwulirise kye nkoba. Abantu abamaghanga ka bairemu amaani buyaaka, baseete beewozeeku. Ka baseete tube ghalala omusango gusalwe.

Isaia 41:6

Buli muntu ayamba mwine, era yaamukoba ati, ‘Guma omwoyo!’

Ezekieli 26:18

Mperaano ebizinga biri kudhugumira ku lunaku lw'ogwiriireku. Bwenebwene ebizinga byonabyona ebiri mu nhandha byeraliikirivu okubona okuzikirira kwo.”

Yoshua 2:10

Kuba twawulira nga Musengwa Katonda yakaliiza Enhandha Emyufu bwe mwagituukaku nga muva e Misiri. Era twawulira bye mwakola bakyabazinga Abamori abaali e buvandhuba ew'omwiga Yorudani: Sihoni ni Ogi be mwazikiriza.

Yoshua 5:1

Bakyabazinga boonaboona Abamori abaali e buvandhuba wa Yorudani, ni bakyabazinga boonaboona Abakanaani ab'ebiketezo ebituuka ku Nhandha Eyaghagati, bwe baawulira nga Musengwa Katonda yakaliza Abaisiraeli omwiga Yorudani okutuusa bwe baamala okugusala nga mukalu, emyoyo gyabawaamu era boonaboona baawaamu amaani olw'okutya Abaisiraeli.