Isaia 41:28 - Baibuli Ekibono kya Katonda 2014

²⁸ Bwe ningirira bakatonda b'amaghanga tibonamu alimu makulu, era tibonamu ye nsobola kubuuza n'andhiramu kumpa magezi.

Isaia 41:28 ပူးပေါင်းရင်းမြစ်များ

Isaia 46:7

Bakibbeedera ku mabega baakitwala, baakita mu kifo kyakyo, kyaba agho nga tikisobola kwesegenhiaku waire okuvaaghooku. Bwe ghabaagho aidha okukisaba tikisobola kumwiramu, waire okumuwonia mu bizibu bye.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Isaia 59:16

Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Isaia 63:5

Nalingirira inho, aye nga tibona aidha ye ndi kuunhamba. Naatya inho, aye nga ghazira angumya. Kale naakozesa amaani gange n'obusungu bwange, byandeetera okughangula.

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Danieli 5:8

Agho abagezigezi abo boonaboona aba kyabazinga baaseeta, aye baaloba kusobola kusoma kighandiiko ekyo waire okukobera kyabazinga amakulu gaakyo.