Isaia 41:27 - Baibuli Ekibono kya Katonda 2014

²⁷ Nze Musengwa Katonda ninze nasooka okukikobera Sioni naatuma abakwenda okukobera Yerusalemu amawulire amalungi nti, ‘Bona baabo. Baabo abantu bo bali kwira!’

Isaia 41:27 ပူးပေါင်းရင်းမြစ်များ

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 41:4

Naani eyaleetera ebyo byonabyona okubaagho, n'abitegeka okuviira irala mu mainhama? Ninze Musengwa Katonda eyaligho ku ntoolo, era ninze alibaagho ku nkomerero.

Isaia 43:10

Imwe Abaisiraeli niimwe abadhulizi bange era niimwe abagheereza bange be nalondamu, musobole okuumanha era mundhikirize. Olwo mukitegeere nga ninze Katonda zenka. Tebangayooku katonda yansooka kubaagho, era tighalibaagho alindhiririra naire.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 46:9

Mwidhukire ebyaligho mu biseera eby'eira, mumanhe nga ninze Katonda zenka, ezirayo wundi; era ezirayo ali ng'oti ninze.

Isaia 48:12

Musengwa Katonda akoba ati: Imwe Abaisiraeli be nayeta, baidhukulu ba Yakobo mumpulirise. Ninze Katonda eyaligho ku ntoolo, era ninze ndibaagho ku nkomerero.

Isaia 48:3

Musengwa Katonda oyo akoba Isiraeli ati: “Okuva eira n'eira, nze nabakoberanga ebiribaagho, era mwene nze naamalanga naabireetera okubaagho amangu geene, byatuukiriranga.

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”

Okwolekebwa 2:8

“Ghandiikira malaika w'Ekikunsu eky'Abaikiriza mu Kurisito eky'e Simuruna oti: Oyo entoolo era enkomerero, eyafa aye nairamu okulama, akoba ati: