Isaia 41:26 - Baibuli Ekibono kya Katonda 2014

²⁶ Naani ku imwe eyalangaku nga bukaali ati kino kiribaagho, olwo tusobole okumanha nga yali mutuufu? Ghazira waire omulala ati ku imwe eyakirangiriraku, oba okubaagho omuntu eyawuliraku nga mukyogeraku.

Isaia 41:26 ပူးပေါင်းရင်းမြစ်များ

Isaia 41:22

Mwidhe mutukobere ebiribaagho, tumanhe bukalamu ghe biribeeragho. Mutukobere n'ebyabita, mutwinhonhole n'amakulu gaabyo, tubirowoozeeku tumanhe ekiribivaamu.

Isaia 41:4

Naani eyaleetera ebyo byonabyona okubaagho, n'abitegeka okuviira irala mu mainhama? Ninze Musengwa Katonda eyaligho ku ntoolo, era ninze alibaagho ku nkomerero.

Isaia 43:9

Mwete abantu abamaghanga goonagoona beesololeze ghalala. Naani ku bakatonda baibwe asobola okulanga ebiribaagho, n'atukobera n'ebyaligho eira? Baleete obudhulizi bwaibwe obukakasa nga batuufu, era obudhulizi obwo n'obube bukakase amazima agali mu ebyo bye boogera.

Isaia 44:7

Naani ali ng'oti ninze? Bw'aba ng'aliyo, akyogere akikakase mu maiso gange. Naani okuva eira n'eira eyalangiriranga ebyali bija okubaagho? Kale buti leka akobere abantu n'ebyo ebija okubaagho.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 46:9

Mwidhukire ebyaligho mu biseera eby'eira, mumanhe nga ninze Katonda zenka, ezirayo wundi; era ezirayo ali ng'oti ninze.