Isaia 41:23 - Baibuli Ekibono kya Katonda 2014

²³ Mutukobere ebiribaagho ye bwidha, olwo tukakase nga bwene muli bakatonda. Mubeeghooku n'ekirungi kye mukola, oba akabi ke muleetaghooku, olwo tutye era tudhugumire.

Isaia 41:23 ပူးပေါင်းရင်းမြစ်များ

Isaia 19:12

Iwe kyabazinga w'e Misiri, abagezi abo abakugha amagezi bali gha? Ka bakukobere omanhe, oba nga baidhi akabi ke ntegekeire Misiri nze Musengwa Katonda Afuga Amagye.

Isaia 42:9

Bona, ebintu bye nalangirira eira biibyo bituukiriire. Mpegaano nja kubakobera ebiyaaka, nga bikaali na kutoolera kubaagho.”

Isaia 43:9

Mwete abantu abamaghanga goonagoona beesololeze ghalala. Naani ku bakatonda baibwe asobola okulanga ebiribaagho, n'atukobera n'ebyaligho eira? Baleete obudhulizi bwaibwe obukakasa nga batuufu, era obudhulizi obwo n'obube bukakase amazima agali mu ebyo bye boogera.

Isaia 45:21

Muleete empoza yaimwe mugyandhuleyo, n'abo ababawolezaagho beebuuzaganie buli muntu ku mwine. Naani eyalanga eira einho ebyo ebyali biri n'okubaagho? Ti ninze Musengwa Katonda? Kale ni ezirayo kyetebwa katonda okutoolaku nze, Katonda Omutukuvu era Omulokozi. Bwenebwene ezirayo wundi okutoolaku nze.

Isaia 45:3

Ndikugha obukombe bwe baakweka mu bifo ebyekusifu, olwo omanhe nga nze Musengwa Katonda, Katonda wa Isiraeli, ninze nkwese eriina lyo obe wange.

Isaia 46:7

Bakibbeedera ku mabega baakitwala, baakita mu kifo kyakyo, kyaba agho nga tikisobola kwesegenhiaku waire okuvaaghooku. Bwe ghabaagho aidha okukisaba tikisobola kumwiramu, waire okumuwonia mu bizibu bye.

Yeremia 10:5

Ebifaananie byaibwe ebyo biri ng'oti ni bire bye bata mu nimiro okutiisa enhonhi. Tibisobola kwogera. Era tibisobola kutambula, babibbeeda bubbeede. Mutabityanga naire, kuba ghazira kabi ke bisobola kubakola, waire okuba n'akalungi ke bisobola okubakolera.”

Danieli 2:9

eky'okubabonereza mwenamwena, bwe mutankobere kirooto kye naloose. Mweteesiisa okwogeranga eby'obuguya ebitali bituufu ye ndi, nga musuubira muti ebiseera bwe binaaja nga bibitagho ebintu biidha kukyuka. Kale ni munkobere ekirooto ekyo, olwo mmanhe nga musobola okunkobera amakulu gaakyo.”

Yoanne 13:19

Ndi kubakobera bino mperaano nga bikaali kubaagho, lwe biribaagho mukakase muti ninze Oyo.

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’