Isaia 41:16 - Baibuli Ekibono kya Katonda 2014

¹⁶ Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 41:16 ပူးပေါင်းရင်းမြစ်များ

Zabbuli 1:4

Aye ababi tibali batyo, bali ng'oti musinsi empewo gw'efuuwa ere.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 17:13

Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 28:5

Olunaku lwidha kutuuka, Musengwa Katonda Afuga Amagye mwene abe ng'oti n'engule y'ebimuli ey'ekitiisa, eri abantu be abaliwonagho.

Isaia 29:19

Abawombeefu baliiramu kabiri okusagambiranga mu Musengwa Katonda, n'abaavu beesiimiranga mu Katonda oyo Omutukuvu wa Isiraeli.

Isaia 29:5

“Aye iwe Yerusalemu, waire abazigu bo bali lukunkumuli, balifuumuulwa ng'oti nkungu, n'abalwani baibwe abakambwe olukunkumuli, baliba ng'oti bikaba empewo by'efuuwa ere. Ate amangu geene, mu kaseera buseera,

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 40:24

Baba ng'oti n'ebimera bye baakasimba, ebikaali kusimba mizi ghala inho mu itaka. Musengwa Katonda oyo bw'asindika empewo ebifuuwa byaniala. Agho empewo erimu kiwunga yaabifuuwa ng'ebitwaliriza ng'oti isubi ikalu.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Isaia 60:19

Omusana toidha kwetaaganga ndhuba kukumuliikirira, waire obwire okwetaaganga omwezi okukwakira. Nze Musengwa Katonda mwene, ninze nnaabanga eitaala lyo ebyanda n'ebyanda; okumesunkana okw'ekitiisa kyange kunaakwakirangaku.

Isaia 65:18

Aye musangaale era musagambe ebyanda n'ebyanda olw'ekyo kye ndi kutonda kuba Yerusalemu kye ndi kutonda kiriba kya kusagambiramu, n'abantu baamu baliba basangaavu.

Yeremia 15:7

Mu buli kibuga eky'omu nsi eno, imwe abantu bange nabasensa n'olugali ng'oti n'ole asensa engaano enkube, empewo n'efuuwa ere ebiwusu byaku. Naita abaana baimwe, niimwe abantu bange naabazikiriza, olw'okuba mwaloba okukyuka ni muva mu mpisa dhaimwe embi.

Yeremia 51:2

Ndisindika abagwira baazikiriza Babilonia ng'oti n'ole asensa ebikaba mu ngaano. Olunaku olw'okuzikiriza bwe lulituuka, baligirumba nga bava ku ndhuyi dhoonadhoona, baagimaliriramu ebintu byonabyona.

Yeremia 51:20

Musengwa Katonda akoba ati: “Iwe ensi Babilonia, oli nhundo yange era eky'okulwanisa kyange mu lutalo. Nakukozesa okuzikiriza amaghanga n'okusaaniagho obwakyabazinga.

Yeremia 51:33

Akaseera kasigaire katono abazigu batyankiririre abantu b'omu Babilonia, ng'oti ngaano mu kifo aghakubirwa engaano. Nze Musengwa Katonda Afuga Amagye, Katonda wa Isiraeli, ninze nkobye.”

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Hosea 11:9

Tiribamaliraku busungu bwange obubitirivu, tiriirayo kabiri kubazikiriza; kuba nze ndi Katonda, se ti muntu buntu. Ninze Omutukuvu ali mu imwe, era tiribazikiriza.

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Habakkuku 3:18

nze ndidha kusigala nga nsagamba era nga ndi musangaavu. Kuba Musengwa Katonda n'omulokozi wange.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.